«رەسەي ۋكراينانى باسىپ العان جاعدايدا قازاقستانعا باسىپ كىرەر ەدى». بۇل پىكىردى ۋكراينانىڭ بەلگىلى ءجۋرناليسى دميتري گوردون ءوزىنىڭ "ۆ گوستياح ۋ گوردونا" اتتى YouTube-كانالىنىڭ تىكەلەي ەفيرىندە حابارلادى، دەپ جازادى "ادىرنا" ۇلتتىق پورتالى.
«قازاقستان مەن رەسەي اراسىندا سوعىس بولا ما؟ — دەپ سۇرادى كورەرمەندەردىڭ ءبىرى گوردوننان.
"رەسەي قازاقستانمەن سوعىسۋعا اسا قۋانىشتى بولماي، ول جەرگە بىردەن باسىپ كىرىپ، ونى بودان ەتەر ەدى. ەندى ونىڭ شاماسى جوق. ەكى سوعىس جۇرگىزۋگە كۇشى جەتپەيدى. ءبىز ولاردى ابدەن قالجىراتتىق", - دەدى گوردون.
جۋرناليست پۋتين كەڭەس وداعىن قايتا قۇرعىسى كەلەتىنىن ايتتى.
"پۋتين كەم دەگەندە ۋكراينا، رەسەي، بەلارۋس جانە قازاقستاندى بىرىكتىرگىسى كەلەدى. ورايى كەلىپ جاتسا تاجىكستاندى دا، وزبەكستاندى دا جانە ت.ب. قوسىپ الۋعا اسىق. بالتىق ەلدەرى ءوز جونىمەن كەتتى. بىراق گرۋزيا، ارمەنيا، ازەربايجان دا ونىڭ ويىندا بار. وسى ەلدىڭ ءبارى دە ول ءۇشىن كەڭەس وداعى»، - دەدى گوردان.
سونىمەن قاتار دميتري گوردون بۇكىل پوستكەڭەستىك ەلدەر ۋكرايناعا العىس ايتۋى كەرەكتىگىن باسا ايتتى.
«بۇرىنعى كەڭەس وداعى حالىقتارىنىڭ ءبارى ۋكرايناعا ۇلكەن العىس ايتۋى كەرەك. ەگەر ءبىز بولماساق، ولار سىزدەرگە بارار ەدى»، - دەيدى جۋرناليست.
"ادىرنا" ۇلتتىق پورتالى
