الماتىدا اتاكەنتتە ءورت شىقتى. توتەنشە جاعدايلار دەپارتامەنتىنىڭ مالىمەتىنشە، «دەلفين» باسسەينى ورنالاسقان پاۆيلون ورتەنىپ جاتىر، دەپ حابارلايدى “ادىرنا” ۇلتتىق پورتالى.
«الماتى قالاسى توتەنشە جاعدايلار دەپارتامەنتىنىڭ كۇشتەرى مەن قۇرالدارى جوعارىراق شەنگە جىبەرىلدى: بوستاندىق اۋدانى، تيميريازەۆ، 42. ءبىرىنشى ءورت ءسوندىرۋ بولىمشەلەرى جەتكەندە №9 پاۆيلون اشىق جالىنمەن ورتەنىپ جاتقانى انىقتالدى»، - دەلىنگەن حابارلامادا. بۇل تۋرالى قالالىق توتەنشە جاعدايلار دەپارتامەنتىنىڭ ءباسپاسوز قىزمەتى حابارلادى.
ءورتتىڭ تارالۋ قاۋپى جوق، دەپ سەندىردى ۆەدومستۆو. الدىن الا مالىمەت بويىنشا، جانىپ جاتقان پاۆيلون بوس. وقيعا ورنىندا شتاب پەن ەكى ءورت ءسوندىرۋ ورنى قۇرىلدى.
«اكىمشىلىكتىڭ ايتۋىنشا، پاۆيلون قايتا جوندەۋدەن ءوتىپ جاتىر. قۇرباندار مەن زارداپ شەككەندەر جوق. وقيعا ورنىندا 17 تەحنيكا مەن 50 ادام جۇمىس ىستەپ جاتىر»، - دەپ حابارلادى تجد.
17:11-دە ءورت وقشاۋلانىپ، 17:23-تە جويىلدى.
”ادىرنا” ۇلتتىق پورتالى
