قالا تۇرعىندارى قازا تاپقان قازاقستاندىق جاۋىنگەرلەردى ەسكە الۋ ءۇشىن ءبىر مينۋت ۇنسىزدىكتەن كەيىن داڭق مەموريالىنا گۇل شوعىن قويدى.
الماتىدا ۇلى وتان سوعىسىنداعى جەڭىستىڭ 78 جىلدىعى مەرەكەلەندى. ءداستۇر بويىنشا نەگىزگى مەرەكەلىك ءىس-شارالار 28 گۆاردياشى-پانفيلوۆشىلار اتىنداعى ساياباقتا ءوتتى، وندا الماتى اكىمى ەربولات دوساەۆتىڭ قاتىسۋىمەن ماڭگىلىك الاۋعا گۇل شوعىن قويۋ ءراسىمى ءوتتى.
ۇلى وتان سوعىسىنىڭ ارداگەرلەرى، تىل ەڭبەككەرلەرى، اسكەري قىزمەتشىلەر، قۇقىق قورعاۋ ورگاندارىنىڭ وكىلدەرى، قوعام قايراتكەرلەرى مەن قالا تۇرعىندارى قازا تاپقان قازاقستاندىق جاۋىنگەرلەردى ەسكە الۋ ءۇشىن ءبىر مينۋت ۇنسىزدىكتەن كەيىن داڭق مەموريالىنا گۇل شوعىن قويدى.
ارداگەرلەردىڭ قۇرمەتىنە ارنالعان مەرەكەلىك تۇسكى اس كەزىندە اكىم مايدانگەرلەردى مەرەكەمەن قۇتتىقتاپ، ۇرىس الاڭىندا جانە ەڭبەك مايدانىندا كورسەتكەن ەرلىكتەرى ءۇشىن العىسىن ءبىلدىرىپ، زور دەنساۋلىق، باقىت پەن اماندىق تىلەدى.
ءوز كەزەگىندە ارداگەرلەر قالا باسشىلىعىنا نازار اۋدارعانى ءۇشىن العىس ايتىپ، الماتى تۇرعىندارى مەن بارلىق قازاقستاندىققا بەيبىتشىلىك پەن جاقسىلىق تىلەدى. سونىمەن قاتار، ولار ەستەلىگىمەن ءبولىستى، ولەڭ وقىپ، مايدان اندەرىن ايتتى.
28 گۆاردياشى-پانفيلوۆشىلار اتىنداعى ساياباقتا اسكەري تەحنيكا كورمەسى ءوتتى، قالا تۇرعىندارى مەن قوناقتارى ءۇشىن دالالىق اس ءۇي ۇيىمداستىرىلدى، مەرەكەلىك كونتسەرت قويىلىپ، قازاقستاندىق ارتىستەر مايدان اندەرى مەن سوعىستان كەيىنگى جىلدارداعى ءاندى ورىندادى.
بۇعان قوسا، الماتىدا ب.مومىشۇلى مونۋمەنتىنە، ت.بيگەلدينوۆ، ر.قوشقارباەۆ مەموريالدىق تاقتاسىنا، ءا.مولداعۇلوۆا مەن م.مامەتوۆا، س.نۇرماعامبەتوۆ ەسكەرتكىشتەرىنە، س.لۋگانسكيدىڭ بيۋستىنە، «وتان ۇلدارىنا ماڭگىلىك ەستەلىك» جانە «وتان ءۇشىن شايقاستا قازا تاپقاندارعا ماڭگىلىك داڭق» مەموريالدارىنا گۇل شوعىن قويۋ راسىمدەرى ءوتتى.
