Almatyda Jeŋıs künı qalai toilanyp jatyr?

Qala tūrǧyndary qaza tapqan qazaqstandyq jauyngerlerdı eske alu üşın bır minut ünsızdıkten keiın Daŋq memorialyna gül şoǧyn qoidy. Almatyda Ūly Otan soǧysyndaǧy jeŋıstıŋ 78 jyldyǧy merekelendı. Dästür boiynşa negızgı merekelık ıs-şaralar 28 gvardiiaşy-panfilovşylar atyndaǧy saiabaqta öttı, onda Almaty äkımı Erbolat Dosaevtyŋ qatysuymen Mäŋgılık alauǧa gül şoǧyn qoiu räsımı öttı. Ūly Otan soǧysynyŋ ardagerlerı, tyl eŋbekkerlerı, äskeri qyzmetşıler, qūqyq qorǧau organdarynyŋ ökılderı, qoǧam qairatkerlerı men qala tūrǧyndary qaza tapqan qazaqstandyq jauyngerlerdı eske alu üşın bır minut ünsızdıkten keiın Daŋq memorialyna gül şoǧyn qoidy. Ardagerlerdıŋ qūrmetıne arnalǧan merekelık tüskı as kezınde äkım maidangerlerdı merekemen qūttyqtap, ūrys alaŋynda jäne eŋbek maidanynda körsetken erlıkterı üşın alǧysyn bıldırıp, zor densaulyq, baqyt pen amandyq tıledı. Öz kezegınde ardagerler qala basşylyǧyna nazar audarǧany üşın alǧys aityp, Almaty tūrǧyndary men barlyq qazaqstandyqqa beibıtşılık pen jaqsylyq tıledı. Sonymen qatar, olar estelıgımen bölıstı, öleŋ oqyp, maidan änderın aitty. 28 gvardiiaşy-panfilovşylar atyndaǧy saiabaqta äskeri tehnika körmesı öttı, qala tūrǧyndary men qonaqtary üşın dalalyq as üi ūiymdastyryldy, merekelık konsert qoiylyp, qazaqstandyq ärtıster maidan änderı men soǧystan keiıngı jyldardaǧy ändı oryndady. Būǧan qosa, Almatyda B.Momyşūly monumentıne, T.Bigeldinov, R.Qoşqarbaev memorialdyq taqtasyna, Ä.Moldaǧūlova men M.Mämetova, S.Nūrmaǧambetov eskertkışterıne, S.Luganskiidıŋ biustıne, «Otan ūldaryna mäŋgılık estelık» jäne «Otan üşın şaiqasta qaza tapqandarǧa mäŋgılık daŋq» memorialdaryna gül şoǧyn qoiu räsımderı öttı.