25 ءساۋىر مەن 1 مامىر ارالىعىندا قالا تۇرعىندارى مەن قوناقتارى ءۇشىن 50-گە جۋىق ءتۇرلى مادەني-بۇقارالىق جانە سپورتتىق ءىس-شارالار وتەدى.
1 مامىرعا ارنالعان ءىس-شارالار تىزبەسى:
- اباي الاڭىندا «دوستىق تۋرالى ءان» مۋزىكا فەستيۆالى وتەدى. كونتسەرتتە بەلگىلى ورىنداۋشىلار، سونىڭ ىشىندە ايقىن تولەپبەرگەن، عازيزحان شەكەربەك، كامشات جولدىباەۆا، 2rar, نۇرمۇحامەد جاقىپ، ءمادي رىمباەۆ، AYREE, ا.Z, Ziruza, C.C.TAY, AlZaBi, كەشYou ونەر كورسەتەدى;
- حايۋاناتتار پاركىندە تسيرك ماۋسىمىنىڭ اشىلۋىنا وراي «قازاق مەملەكەتتىك تسيركىنىڭ» كوشپەلى شوۋ-باعدارلاماسى;
- ءال-فارابي داڭعىلى / قوزىباەۆ كوشەسى بويىندا ۆەلوجارىس رەسمي تۇردە ۆەلوماۋسىمنىڭ باستالۋىن اتاپ وتەدى;
- الاتاۋ اۋدانىنداعى «الاتاۋ» ءداستۇرلى ونەر تەاترىندا «بىرلىگىنە بەرىك ەل» كونتسەرتى;
- م. گاندي اتىنداعى ساياباقتا المالى اۋدانىنىڭ بالالار مەن ەرەسەكتەرگە ارنالعان ويىن-ساۋىق باعدارلاماسى بولادى;
- اۋەزوۆ اۋدانىنداعى «سارىارقا» سكۆەرىندەگى «Family parkتە» مەرەكەلىك كونتسەرت;
- بوستاندىق اۋدانىنداعى «مەگا الماتى» سوسو ءىس-شاراسى;
- جەتىسۋ اۋدانىندا «گۇلدەر» ساياباعىندا مەرەكەلىك باعدارلاما;
- مەدەۋ اۋدانىندا – «عىلىم ورداسى» الاڭىندا جانە ش. ءۋاليحانوۆ اتىنداعى ساياباقتا.
- ناۋرىزباي اۋدانىندا اۋدان اكىمدىگى عيماراتىنىڭ جانىندا كونتسەرت;
- تۇركسىب اۋدانىندا – «مارت» سوسو جانىندا.
سونىمەن قاتار، 25-29 ءساۋىر ارالىعىندا قالا مەكتەپتەرىندە قازاقستان حالقىنىڭ بىرلىگى كۇنىنە ارنالعان سىنىپ ساعاتتارى، قالانىڭ بارلىق جوعارى وقۋ ورىندارى مەن كوللەدجدەرىندە 1 مامىرعا ارنالعان ءىس-شارالار جانە ت. ب. وتەدى.
29 ءساۋىر:
– ي. ا. كرىلوۆ اتىنداعى كىتاپحانادا ەۋرازيالىق اگرارلىق كوللەدجىندە «بارلىق حالىقتارعا ورتاق مەيرام» كۆەست جانە «ىنتىماعى جاراسقان تۋعان ولكەم – قازاقستان» فەستيۆالى وتەدى;
- جامبىل اتىنداعى قازاق مەملەكەتتىك فيلارمونيانىڭ ن. تىلەنديەۆ اتىنداعى كامەرالىق زالدا مەرەكەلىك كونتسەرت جوسپارلانعان;
- ءدال وسى كۇنى «گۇلدەر» ساياباعىندا ەتنومادەني بىرلەستىكتەر اراسىندا جارىس وتەدى;
30 ساۋىر:
- ساعات 10:00-دە ناۋرىزباي اۋدانىنداعى نۇرمۇحامەدوۆ كوشەسىندە «بىرلىگىمىز جاراسقان!» اقتسياسى بويىنشا اعاش كوشەتتەرى وتىرعىزىلادى;
- اۆتومەحانيكالىق كوللەدجدە قازاقستان حالقىنىڭ بىرلىگى كۇنىنە ارنالعان «قۇستىڭ كۇشى – قاناتىندا، ادامنىڭ كۇشى – دوستىقتا» اتتى فولكلورلىق مەرەكە وتەدى.
اقپارات: الماتى قالاسى اكىمدىگىنىڭ ءباسپاسوزى
