5 ناۋرىز كۇنى الماتى قالاسىندا ءبىر توپ ساياساتتانۋشىلار مەن جۋرناليستەر، قوعام بەلسەندىلەرى قوسىلىپ، الداعى رەفەرەندۋم بارىسىن باقىلايتىنىن ايتتى. «حالىق ءۇنى» باقىلاۋشىلار توبى داۋىس بەرۋدىڭ ءادىل، شىنايى ءوتۋىن تالاپ ەتۋدە.
توپ باسشىسى، ساياساتتانۋشى نۇربولات نىشانباي بىلاي دەيدى: «رەفەرەندۋمدا داۋىس بەرۋ پروتسەسىن باقىلاۋ ەڭ جاۋاپتى ءىس. مىنە، وسى جاۋاپتى ىسكە ءبىز دە ءوز ۇلەسىمىزدى قوسۋدى نيەت ەتتىك. بەلسەندى ازاماتتار باس قوسىپ، «حالىق ءۇنى» اتتى باقىلاۋشىلار توبىن جاساقتادىق. 15-ناۋرىزدا سايلاۋ ۋچاسكەلەرىنە باقىلاۋشىلاردى كىرگىزىپ، رەفەرەندۋمنىڭ ءادىل، اشىق، زاڭبۇزۋشىلىقسىز وتۋىنە ۇلەس قوسامىز. زاڭبۇزۋشىلىق تىركەلگەن ساتتە، ءبىزدىڭ باقىلاۋشىلار ونىڭ زاڭعا ساي تىركەلۋىن تالاپ ەتەتىن بولادى. جەكە تاجىريبەمدە تاۋەلسىز باقىلاۋشىلاردى دايىنداۋ، وقىتۋ، سايلاۋ پروتسەسىن باقىلاۋ ارەكەتتەرى بولدى. 2024 جىلعى رەفەرەندۋمدا باقىلاۋشىلاردى جاساقتاپ، وقىتتىق. ساياساتتانۋشى بولعان سوڭ بۇنداي پروتسەسستەردەن قالىس قالا المايمىز. قاتارىمىزدا قولداۋشىلار جەتكىلىكتى. باقىلاۋشىلاردى وقىتۋعا دوس كوشىم اعامىز قاتىسادى. قوعامدىق ىستەردە بوي كورسەتىپ، ازاماتتىق قوعامنىڭ قالىپتاسۋىنا ۇلەس قوسىپ جۇرگەن جۋرناليست، ساياساتتانۋشى، قوعام بەلسەندىلەرى دە قاتارىمىزدا بار. قازىر جاڭا اتا زاڭ جوباسى حالىققا ۇسىنىلۋدا. ءار ادام ءوز تاڭداۋىن جاسايدى. ءبىرى قولداپ، ءبىرى قارسى داۋىس بەرۋى مۇمكىن. قانداي شەشىم بولسا دا، بۇل حالىقتىڭ ءۇنى دەگەن ءسوز. سول سەبەپتى دە ءبىز «حالىق ءۇنى» دەپ اتادىق. ءار بيۋللەتەن ءبىر ادامنىڭ داۋسى، ءۇنى عوي. ءار داۋىستىڭ ادىلەتتى سانالۋىنا ۇلەس قوسۋ ءبىزدىڭ ميسسيامىز بولماق. ءبىزدىڭ باقىلاۋشىلارىمىز وزدەرى باقىلايتىن ۋچاسكەلەردە رەفەرەندۋم كۇنى باستان-اياق بولادى. باقىلايدى. زاڭ بۇزىلعان ساتتە، ونى بىردەن زاڭ تالابىنا ساي راسىمدەلۋىن تالاپ ەتەدى. الەۋمەتتىك جەلىلەردە ەسەپ بەرىپ وتىرادى. ماقساتىمىز رەفەرەندۋمنىڭ اشىق، ءادىل وتۋىنە ۇلەس قوسۋ. كىمنىڭ قالاي داۋىس بەرەتىنى ءار ادامنىڭ ءوز تاڭداۋى، ال ءبىزدىڭ ميسسيا سول بەرىلگەن داۋىستىڭ ادىلەتتى تۇردە سانالۋىن قاداعالاۋ»، - دەيدى ول.
«حالىق ءۇنى» باقىلاۋشىلارى ەلىمىزدىڭ بىرنەشە وڭىرىندە باقىلاۋشىلىق ەتپەك. «مۇمكىندىگىمىز جەتكەنشە كوپ ەلدى-مەكەندى قامتۋعا تىرىسامىز» دەيدى ولار.
توپ مۇشەسى، جۋرناليست نۇرگەلدى ابدىعاني بىلاي دەيدى: «تاۋەلسىزدىكتىڭ كەشەگىسى مەن بۇگىنىندە ءبىزدىڭ حالىق سايلاۋ مەن ساياسي ناۋقاننىڭ سان ءتۇرىن كوردى. وسىعان دەيىن ەلىمىزدە وتكەن سايلاۋلار مەن رەفەرەندۋمدار كەزىندە ءتۇرلى قۇيتىرقىلىقتاردى قوعامنىڭ كوزى كورىپ، قۇلاعى ەستىدى. داۋىستى كوپەكورنەۋ بۇرمالاۋ، باقىلاۋشىلارعا حاتتامالاردى بەرمەي، ۋچاسكەلەردەن زاڭسىز شىعارىپ جىبەرگەن ساتتەر دە بولدى.
اعىلشىندار ايتاتىن: «سايلاۋدىڭ ناتيجەسى – داۋىس بەرۋشىنىڭ سانىنا ەمەس، داۋىس ساناۋشىنىڭ پيعىلىنا بايلانىستى»، - دەگەن ءسوز بار. ەلىشىلىك ساياسي پروتسەسستەرگە كەلگەندە، اسىرەسە سايلاۋ، رەفەرەندۋم سەكىلدى حالىقتىق اۋقىمداعى پروتسەسستەردە نەيترالدى قالۋعا بولمايدى. وسى جولى دا باقىلاۋشىلىق جاسايتىن توپتار كوپ بولادى جانە سولاي بولۋى ءتيىس. قازىردىڭ وزىندە ءبىرلى-جارىم توپتار مالىمدەمەلەرىن جاساپ جاتىر. باقىلاۋشىلىق ارقىلى حالىقتىڭ تاڭداۋى قورعالىپ، رەفەرەندۋمنىڭ شىنايى ءارى سەنىمدى وتۋىنە جاعداي جاسالادى. ءبىزدىڭ ماقساتىمىز سول، داۋىس بەرۋ ناۋقانىنىڭ اشىق، ءادىل ءوتۋىن قاداعالاۋ. قازىر زاڭ قاتاڭداتىلدى. داۋىس ۇرلاۋ، بۇرمالاۋ قىلمىس. وسىنى ءار ادام ەسىندە ساقتاعانى ءجون»، - دەيدى.
«حالىق ءۇنى» باقىلاۋشىتسلار توبىنداعى تاعىتس ءبىر تۇلعا بەكنۇر قيسىقوۆ. جۋرناليست، قوعام بەلسەندىسى رەتىندە ساياسي ناۋقانداردان تىس قالعان ەمەس. ول بىلاي دەيدى: «كاك چلەنى گرۋپپى نابليۋداتەلەي «حالىق ءۇنى»، مى ۆ وچەرەدنوي راز پلانيرۋەم سۆوە ۋچاستيە ۆ كاچەستۆە وبششەستۆەننىح كونترولەروۆ. زا ەتو ۆرەميا مى نارابوتالي زناچيتەلنىي وپىت ي كومپەتەنتسي: پروۆەلي رياد ترەنينگوۆ ي سفورميروۆالي سيلنىي كوستياك. ۆ ەتوت راز ناشا گرۋپپا وبەدينيت كاك وپىتنىح ەكسپەرتوۆ، تاك ي نوۆىح ۋچاستنيكوۆ. ناشي دۆەري وتكرىتى دليا ۆسەح نەراۆنودۋشنىح!
بىت نابليۋداتەلەم — ەتو نە تولكو فيزيچەسكايا ي ۋمستۆەننايا ناگرۋزكا، نو ي وگرومنايا وتۆەتستۆەننوست. ەتو ۆاجنىي ەتاپ ۆ جيزني گراجدان ي ۆسەي سترانى. يمەننو پوەتومۋ نابليۋداتەلي دولجنى وبلادات زنانيامي، ديستسيپلينوي، ۋمەنيەم نە پروستو سموترەت، ا پروفەسسيونالنو فيكسيروۆات پرويسحودياششەە، ي، كونەچنو، يسكرەننيم پاتريوتيزموم.
سچيتايۋ، چتو ۆوزموجنوست بىت نابليۋداتەلەم — ەتو بولشايا چەست. ي مى سدەلاەم ۆسيو، چتوبى ەتوي چەستي ۋدوستويتسيا»، - دەدى.
توپ مۇشەسى يسلامبەك داستان قوعامداعى ادىلەتسىزدىكپەن، سىبايلاس جەمقورلىقپەن اقپاراتتىق تۇرعىدان كۇرەسىپ جۇرگەن ازامات سانالادى. ول باقىلاۋشىلىق ارقىلى ءادىل سايلاۋعا قادام باسامىز دەپ سانايدى.
«قوعامداعى ساياسي پروتسەسستەردەن تىس قالعان ەمەسپىن. بەلسەندى رەتىندە، جۋرناليست رەتىندە ماعان قوعامدا ءار ىستە ادىلەتتىلىك بولعانى ماڭىزدى. وسى ۋاقىتقا دەيىن ەلىمىزدە وتكەن سايلاۋ، رەفەرەندۋمنان تىس قالىپ كورگەن جەرىم جوق. داۋىس بەرۋگە دە 18 جاسىمنان قاتىسىپ كەلەمىن. 15-ناۋرىزدا وتەتىن رەفەرەندۋم بارىسىندا باقىلاۋشىلاردى دايىنداپ، داۋىس بەرۋدى باقىلايتىن بولامىز. داۋىستىڭ ۇرلانۋىنا، بۇرمالانۋىنا جول بەرمەۋ باستى مىندەتىمىز. باقىلاۋشىنىڭ ميسسياسى سول. زاڭ بۇزۋشىلىقتى تىركەۋ، حاتتامانى الۋ دەگەندەي. بىزدە تاجىريبەلى باقىلاۋشىلار بار. ولارمەن دە جۇمىس ىستەيمىز، جاڭادان باقىلاۋشى بولامىن دەگەندەرگە دە ەسىك اشىق»، - دەيدى ول.
