الەۋمەتتىك جەلىدە جالعان اقپارات تاراتقاندارعا جاڭا زاڭ جوباسى ازىرلەندى. بۇل تۋرالى ءماجىلىس دەپۋتاتتارىنىڭ ساۋالىنا باس پروكۋرور بەرىك اسىلوۆ جاۋاپ بەردى، دەپ حابارلايدى “ادىرنا” ۇلتتىق پورتالى.
ونىڭ ايتۋىنشا، «ونلاين-پلاتفورمالار جəنە ونلاين-جارناما تۋرالى» جاڭا زاڭ جوباسى əزىرلەنگەن.
مەملەكەت باسشىسى قازاقستان حالقىنا 2022 جىلعى 16 ناۋرىزداعى «جاڭا قازاقستان: جاڭارۋ جəنە جاڭعىرتۋ جولى» اتتى جولداۋىندا مەملەكەتتىڭ مۇددەسىن، قوعامنىڭ سۇرانىسىن جəنە مەديا سالانىڭ دامۋ ءۇردىسىن ەسكەرە وتىرىپ، وسى سالاداعى زاڭنامانى قايتا قاراۋ قاجەتتىلىگىن اتاپ ءوتتى. وسى تاپسىرمانى ىسكە اسىرۋ اياسىندا «ونلاين-پلاتفورمالار جəنە ونلاين-جارناما تۋرالى» زاڭ جوباسى əزىرلەنگەن. ول بۇگىنگى كۇنى مەملەكەتتىك ورگاندارمەن كەلىسىلگەن جəنە قازاقستان رەسپۋبليكاسى پارلامەنتى ءمəجىلىسىنىڭ قاراۋىندا، - دەدى باس پروكۋرور جاۋابىندا.
زاڭ جوباسىنىڭ نەگىزگى ماقساتى - ونلاين-جارنامالار، سونداي-اق ونلاين-پلاتفورمالار قىزمەتتەرىنىڭ قۇقىقتىق نەگىزدەرىن ايقىنداۋ.
اتالعان زاڭ جوباسىندا ينفليۋەنسەر (بلوگەر) – ايقىندالماعان تۇلعالار توبىنا ارنالعان جəنە ءوز ماقساتتارى مەن وزگە دە قوعامدىق ماقساتتارعا قول جەتكىزۋگە باعىتتالعان، ونىڭ ىشىندە قوعامدا جەكەلەگەن پىكىرلەردى قالىپتاستىرۋعا ىقپالى بار اقپاراتتى ونلاين-پلاتفورمالاردا تاراتاتىن ادام ۇعىمى ەنگىزىلۋدە. جالعان اقپاراتتىڭ تارالۋ فاكتىلەرى كەڭ تارالا باستاعانىن ەسكەرە وتىرىپ، ەگەر بۇل əرەكەتتەردە قىلمىستىق جازالاناتىن ءىس-əرەكەت بەلگىلەرى بولماسا، ايىپپۇل تۇرىندەگى سانكتسيانى ايقىنداي وتىرىپ، كورىنەۋ جالعان اقپارات تاراتقانى ءۇشىن əكىمشىلىك جاۋاپتىلىقتى بەلگىلەۋ جوسپارلانۋدا. وسىلايشا، وسى زاڭ جوباسى قابىلدانعان جاعدايدا ينتەرنەت كەڭىستىگىندە كورىنەۋ جالعان اقپاراتتىڭ تارالۋىنا ءتيىمدى قارسى ءىس-قيمىل جاساۋ ءۇشىن قاجەتتى جاعدايلار جاسالادى دەپ سانايمىز. بۇل باعىتتا جۇمىستار جالعاسۋدا جəنە باقىلاۋدا، - دەدى بەرىك اسىلوۆ.
