ۇقك سىرتقى ىستەر ءمينيسترى مۇرات نۇرتىلەۋدىڭ جانە بىرنەشە جوعارى لاۋازىمدى قىزمەتكەردىڭ ۇستالعانى تۋرالى اقپاراتقا قىسقا حابارلاما ارقىلى جاۋاپ بەردى، دەپ حابارلايدى "ادىرنا" ۇلتتىق پورتالى.
«“وردا” اقپاراتتىق سايتىندا ۇقك-ءنىڭ بىرنەشە جوعارى لاۋازىمدى قىزمەتكەرى ۇستالعانى تۋرالى مالىمەت جاريالاندى. ۇلتتىق قاۋىپسىزدىك كوميتەتى بۇل اقپاراتتىڭ شىندىققا سايكەس ەمەستىگىن حابارلايدى»، – دەلىنگەن ۆەدومستۆو مالىمدەمەسىندە.
بۇعان دەيىن قازاقستاننىڭ سىرتقى ىستەر مينيسترلىگى دە مۇرات نۇرتىلەۋدىڭ ۇستالعانى جونىندەگى اقپاراتتى جوققا شىعارعان ەدى. مينيسترلىكتىڭ رەسمي وكىلى ايبەك سمادياروۆ بۇل دەرەكتى «جۋرناليستىك ەتيكا مەن قولدانىستاعى زاڭنامانى بۇزۋ» دەپ باعالاعان.
سونداي-اق، مادەنيەت جانە اقپارات ءمينيسترى ايدا بالاەۆا قوعامدى تەكسەرىلمەگەن اقپاراتقا سەنبەۋگە شاقىرىپ، كاسىبي باق پەن جۋرناليستەردى جاۋاپكەرشىلىكتى ساقتاۋعا ۇندەدى.
