Áleýmettik jelide jalǵan aqparat taratqandarǵa jańa zań jobasy ázirlendi. Bul týraly Májilis depýtattarynyń saýalyna Bas prokýror Berik Asylov jaýap berdi, dep habarlaıdy “Adyrna” ulttyq portaly.
Onyń aıtýynsha, «Onlaın-platformalar jəne onlaın-jarnama týraly» jańa zań jobasy əzirlengen.
Memleket basshysy Qazaqstan halqyna 2022 jylǵy 16 naýryzdaǵy «Jańa Qazaqstan: Jańarý jəne jańǵyrtý joly» atty Joldaýynda memlekettiń múddesin, qoǵamnyń suranysyn jəne medıa salanyń damý úrdisin eskere otyryp, osy saladaǵy zańnamany qaıta qaraý qajettiligin atap ótti. Osy tapsyrmany iske asyrý aıasynda «Onlaın-platformalar jəne onlaın-jarnama týraly» zań jobasy əzirlengen. Ol búgingi kúni memlekettik organdarmen kelisilgen jəne Qazaqstan Respýblıkasy Parlamenti Məjilisiniń qaraýynda, - dedi Bas prokýror jaýabynda.
Zań jobasynyń negizgi maqsaty - onlaın-jarnamalar, sondaı-aq onlaın-platformalar qyzmetteriniń quqyqtyq negizderin aıqyndaý.
Atalǵan zań jobasynda ınflıýenser (bloger) – aıqyndalmaǵan tulǵalar tobyna arnalǵan jəne óz maqsattary men ózge de qoǵamdyq maqsattarǵa qol jetkizýge baǵyttalǵan, onyń ishinde qoǵamda jekelegen pikirlerdi qalyptastyrýǵa yqpaly bar aqparatty onlaın-platformalarda taratatyn adam uǵymy engizilýde. Jalǵan aqparattyń taralý faktileri keń tarala bastaǵanyn eskere otyryp, eger bul əreketterde qylmystyq jazalanatyn is-əreket belgileri bolmasa, aıyppul túrindegi sankııany aıqyndaı otyryp, kórineý jalǵan aqparat taratqany úshin əkimshilik jaýaptylyqty belgileý josparlanýda. Osylaısha, osy zań jobasy qabyldanǵan jaǵdaıda ınternet keńistiginde kórineý jalǵan aqparattyń taralýyna tıimdi qarsy is-qımyl jasaý úshin qajetti jaǵdaılar jasalady dep sanaımyz. Bul baǵytta jumystar jalǵasýda jəne baqylaýda, - dedi Berik Asylov.
