الماتىدا "دينامو" ستاديونىندا حانچجوۋدا (قحر) 2023 ازيا ويىندارىن قولداۋ جانە ىلگەرىلەتۋ شەڭبەرىندە Fun Run جارىسى ءوتتى.
ءىس-شارانى ازيا وليمپيادا كەڭەسى (واا), ازيا ويىندارى-2023 ۇيىمداستىرۋ كوميتەتى، ۇلتتىق وليمپيادا كوميتەتى جانە قر مادەنيەت جانە سپورت مينيسترلىگى، قر جەڭىل اتلەتيكا فەدەراتسياسى، "دينامو" ققق جانە الماتى سپورت باسقارماسىنىڭ قولداۋىمەن قحر-نىڭ قر-داعى باس كونسۋلدىعى ۇيىمداستىردى.
جارىسقا ءار ءتۇرلى جاس ساناتتارىندا (13, 14, 16, 17 جاسقا دەيىن) 300-دەن استام جاس سپورتشىلار قاتىستى.
بۇل جارىستار بۇكىل ازيا قۇرلىعىندا ۇزدىكسىز وتەدى. Fun Run جارىسى ازيادا-2023 ۇيىمداستىرۋ كوميتەتىنىڭ پرومو-ناۋقانىنا كىرەدى جانە "بارلىعىنا ارنالعان ازيا ويىندارى" جالپى ۇرانىمەن وتكىزىلەدى.
سپورتتىق ءىس-شارا اياسىندا ۋشۋ جانە تاەكۆوندو بويىنشا كورسەتىلىمدەر، سونداي-اق قحر-نىڭ قر-داعى باس كونسۋلدىعى ۇيىمداستىرعان كالليگرافيا، اكۆاگريم، شاي ءراسىمى جانە سۋرەت سالۋ شەبەرلىك سىنىپتارى ءوتتى.
جارىستىڭ بارلىق قاتىسۋشىلارى ءتۇرلى-ءتۇستى ەستەلىك مەدالدارمەن، سىيلىقتارمەن، گراموتالارمەن جانە سەرتيفيكاتتارمەن ماراپاتتالدى.
باسقا ماتەريالدار
Adyrna.kz ۇلتتىق پورتالىنىڭ ماڭىزدى اقپاراتتارىنا جازىلۋ
سوڭعى جاڭالىقتار تۋرالى حاباردار بولىڭىز