Almatyda "Dınamo" stadıonynda Hanchjoýda (QHR) 2023 Azııa oıyndaryn qoldaý jáne ilgeriletý sheńberinde Fun Run jarysy ótti.
Is-sharany Azııa Olımpıada keńesi (OAA), Azııa oıyndary-2023 uıymdastyrý komıteti, Ulttyq Olımpıada komıteti jáne QR Mádenıet jáne sport mınıstrligi, QR Jeńil atletıka federaııasy, "Dınamo" QQQ jáne Almaty sport basqarmasynyń qoldaýymen QHR-nyń QR-daǵy Bas konsýldyǵy uıymdastyrdy.
Jarysqa ár túrli jas sanattarynda (13, 14, 16, 17 jasqa deıin) 300-den astam jas sportshylar qatysty.
Bul jarystar búkil Azııa qurlyǵynda úzdiksiz ótedi. Fun Run jarysy Azıada-2023 uıymdastyrý komıtetiniń promo-naýqanyna kiredi jáne "Barlyǵyna arnalǵan Azııa oıyndary" jalpy uranymen ótkiziledi.
Sporttyq is-shara aıasynda ýshý jáne taekvondo boıynsha kórsetilimder, sondaı-aq QHR-nyń QR-daǵy Bas konsýldyǵy uıymdastyrǵan kallıgrafııa, akvagrım, shaı rásimi jáne sýret salý sheberlik synyptary ótti.
Jarystyń barlyq qatysýshylary túrli-tústi estelik medaldarmen, syılyqtarmen, gramotalarmen jáne sertıfıkattarmen marapattaldy.
