تاۋەلسىز جۋرناليست اسحات نيازوۆ سولتۇستىك قازاقستان وبلىسىنداعى استراحان اۋىلىنىڭ اكىمى رۋسلان قاباتوۆتان سۇحبات الدى. جەلىدە جاريالانعان ارنايى شىعارىلىمنان كەيىن اۋىل اكىمى اۋرۋحانادان ءبىر-اق شىققان، دەپ حابارلايدى "ادىرنا" پورتالى inbusiness.kz سايتىنا سىلتەمە جاساپ.
اسحات نيازوۆ ءوزىنىڭ "وبوجايۋ" اتتى Youtube ارناسىندا ەلىمىزدەگى ءتۇرلى اۋىلداردان ارنايى شىعارىلىمدار جاساپ، اۋىل اكىمدەرىنىڭ تىنىس-تىرشىلىگى جايلى باياندايدى. كەزەكتى رەپورتاج سقو-داعى استراحان اۋىلى جايلى ءتۇسىرىلدى.
اۋىل تۇرعىندارىنان العان سۇحباتىندا، اكىمنىڭ جوندەۋگە كەتكەن كولىگى، جۇرگىزۋشىسى بولىپ جۇمىس ىستەيتىن جاقىن تۋىسى، سونداي-اق، اقشا ءبولىنىپ، قاعاز جۇزىندە ساتىپ الىنعان اكىمشىلىكتى جۋعا قاجەتتى زاتتاردىڭ ءىس جۇزىندە جوقتىعى جايلى ايتىلدى. ءتىپتى 20 مىڭ تەڭگە ايلىق الاتىن اكىمشىلىك ەدەنىن جۋشى ازاماتشانىڭ ءوز قالتاسىنان اقشا شىعارىپ، تازالايتىن ءتۇرلى سۇيىقتىقتار ساتىپ الاتىنى ايتىلدى. بىراق قاعاز جۇزىندەگى ەسەپتىك قۇجاتتاردا اتالعان ۇساق دۇنيەلەرگە قاراجات بولىنگەن.
سوڭعى دەرەكتەرگە سايكەس، استراحان اۋىلىنىڭ اكىمى اتالعان سۇحباتتان سوڭ ينسۋلت الىپ، اۋرۋحاناعا تۇسكەن. قازىرگى جاعدايى بىرقالىپتى دەپ حابارلاندى.
