Táýelsiz jýrnalıst Ashat Nııazov Soltústik Qazaqstan oblysyndaǵy Astrahan aýylynyń ákimi Rýslan Qabatovtan suhbat aldy. Jelide jarııalanǵan arnaıy shyǵarylymnan keıin aýyl ákimi aýrýhanadan bir-aq shyqqan, dep habarlaıdy "Adyrna" portaly inbusiness.kz saıtyna silteme jasap.
Ashat Nııazov óziniń "Obojaıý" atty Youtube arnasynda elimizdegi túrli aýyldardan arnaıy shyǵarylymdar jasap, aýyl ákimderiniń tynys-tirshiligi jaıly baıandaıdy. Kezekti reportaj SQO-daǵy Astrahan aýyly jaıly túsirildi.
Aýyl turǵyndarynan alǵan suhbatynda, ákimniń jóndeýge ketken kóligi, júrgizýshisi bolyp jumys isteıtin jaqyn týysy, sondaı-aq, aqsha bólinip, qaǵaz júzinde satyp alynǵan ákimshilikti jýýǵa qajetti zattardyń is júzinde joqtyǵy jaıly aıtyldy. Tipti 20 myń teńge aılyq alatyn ákimshilik edenin jýýshy azamatshanyń óz qaltasynan aqsha shyǵaryp, tazalaıtyn túrli suıyqtyqtar satyp alatyny aıtyldy. Biraq qaǵaz júzindegi eseptik qujattarda atalǵan usaq dúnıelerge qarajat bólingen.
Sońǵy derekterge sáıkes, Astrahan aýylynyń ákimi atalǵan suhbattan soń ınsýlt alyp, aýrýhanaǵa túsken. Qazirgi jaǵdaıy birqalypty dep habarlandy.
