الماتى وبلىسىندا ەڭبەك نارىعىنداعى جاعداي تۇراقتى. 2022 جىلى جۇمىسسىزدىق دەڭگەيى 4,7% قۇرادى.
الماتى وبلىسى جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى 2021-2022 جىلدارداعى ەڭبەك نارىعىنىڭ كورسەتكىشتەرىنە مونيتورينگ جۇرگىزگەن. تالداۋ ناتيجەلەرى جەكەلەگەن اۋدانداردىڭ ىشكى ەڭبەك نارىعىندا بەلگىلى ءبىر ماسەلەلەردىڭ ي بار ەكەنىن كورسەتتى.
ماسەلەن، 2022 جىلى جۇمىسسىزدىقتىڭ جالپى دەڭگەيى كەگەن - 5,7%، رايىمبەك - 5,6%، بالقاش-5,4%، ۇيعىر اۋداندارىندا -5,2% جانە قوناەۆ قالاسىندا 4,8%-دى كورسەتىپ، ورتا وبلىستىق دەڭگەيدەن جوعارى بولدى.
2023 جىلعى 1 قاڭتارعا وبلىس حالقىنىڭ سانى 2022 جىلدىڭ باسىمەن سالىستىرعاندا تابيعي جانە كوشى-قون ءوسىمى ەسەبىنەن 27,5 مىڭ ادامعا ارتتى.
بۇل رەتتە، حالىقتىڭ ەڭ كوپ ءوسىمى الماتى قالاسىنا جاقىن اۋدانداردا تىركەلدى، اتاپ ايتقاندا: قاراساي 11,6 مىڭ ادامعا، تالعار 7,0 مىڭ ادامعا، ىلە 6,9 مىڭ ادامعا، جامبىل 2,1 مىڭ ادامعا، ەڭبەكشىقازاق 1,4 مىڭ ادامعا، سونداي-اق قوناەۆ قالاسىندا 0,5 مىڭ ادامعا از ءوسىم بايقالدى.
سونىمەن قاتار، رايىمبەك - 0,7 مىڭ ادام، كەگەن - 0,7 مىڭ ادام، بالقاش - 0,4 مىڭ ادام، ۇيعىر اۋداندارىندا -0,3 مىڭ ادام حالىق سانىنىڭ ازايۋى ورىن الۋدا.
وبلىس ەكونوميكاسىندا 2023 جىلدىڭ 1 قاڭتارىنا جۇمىس كۇشىنىڭ سانى 2022 جىلدىڭ باسىمەن سالىستىرعاندا 42,2 مىڭ ادامعا ءوستى. جۇمىس كۇشىنىڭ ەڭ كوپ ءوسۋى كەلەسى اۋدانداردا تىركەلدى: ىلە 24,6 مىڭ ادامعا، قاراساي 15,6 مىڭ ادامعا جانە قوناەۆ قالاسىندا 7,1 مىڭ ادامعا. سونىمەن قاتار، ەڭبەكشىقازاق اۋدانىندا 15,8 مىڭ ادامعا جانە رايىمبەك اۋدانىندا 5,4 مىڭ ادامعا ايتارلىقتاي تومەندەۋ بايقالادى.
جۇمىس كۇشىنىڭ وسۋىنە جۇمىسپەن قامتىلعان حالىق سانىنىڭ ارتۋى ايتارلىقتاي اسەر ەتەدى. جالپى ەسەپتى كەزەڭدە وبلىستىڭ جۇمىسپەن قامتىلعان حالقى 37,8 مىڭ ادامعا ءوسىپ، 697,7 مىڭ ادامدى قۇرادى. جۇمىسپەن قامتىلعان حالىق اراسىندا جالدامالى قىزمەتكەرلەر سانى - 499,1 مىڭ ادامدى، ءوز بەتىنشە جۇمىسپەن قامتىلعاندار - 198,6 مىڭ ادامدى قۇرادى.
ىلە اۋدانىندا-23,6 مىڭ ادام، تالعار اۋدانىندا -15,2 مىڭ ادام جانە قوناەۆ قالاسىندا - 6,7 مىڭ ادام جۇمىسپەن قامتىلعان ازاماتتاردىڭ ەڭ كوپ ءوسۋى بايقالدى. سونىمەن قاتار، جۇمىسپەن قامتىلعاندار سانىنىڭ تومەندەۋى مىنا اۋدانداردا تىركەلدى: ەڭبەكشىقازاق-15 مىڭ ادام، رايىمبەك-5,1 مىڭ ادام، جامبىل-2,9 مىڭ ادام، كەگەن-0,8 مىڭ ادام.
ەڭبەك نارىعىنىڭ جۇرگىزىلگەن مونيتورينگىن ەسكەرە وتىرىپ، ىشكى ەڭبەك نارىعىندا سۇرانىس پەن ۇسىنىس اراسىنداعى تەڭگەرىمسىزدىكتى بولدىرماۋ ماقساتىندا وبلىستا ينۆەستيتسيالار تارتۋ، وندىرىستەر قۇرۋ جونىندەگى جۇمىس جانداندىرىلادى. حالىقتىڭ كاسىپكەرلىك قىزمەتىن ىنتالاندىرۋ ءۇشىن گرانتتار، نەسيەلەر سياقتى تەتىكتەر كەڭىنەن قولدانىلادى.
