Almaty oblysynda eńbek naryǵyndaǵy jaǵdaı turaqty. 2022 jyly jumyssyzdyq deńgeıi 4,7% qurady.
Almaty oblysy jumyspen qamtýdy úılestirý jáne áleýmettik baǵdarlamalar basqarmasy 2021-2022 jyldardaǵy eńbek naryǵynyń kórsetkishterine monıtorıng júrgizgen. Taldaý nátıjeleri jekelegen aýdandardyń ishki eńbek naryǵynda belgili bir máselelerdiń ı bar ekenin kórsetti.
Máselen, 2022 jyly jumyssyzdyqtyń jalpy deńgeıi Kegen - 5,7%, Raıymbek - 5,6%, Balqash-5,4%, Uıǵyr aýdandarynda -5,2% jáne Qonaev qalasynda 4,8%-dy kórsetip, orta oblystyq deńgeıden joǵary boldy.
2023 jylǵy 1 qańtarǵa oblys halqynyń sany 2022 jyldyń basymen salystyrǵanda tabıǵı jáne kóshi-qon ósimi esebinen 27,5 myń adamǵa artty.
Bul rette, halyqtyń eń kóp ósimi Almaty qalasyna jaqyn aýdandarda tirkeldi, atap aıtqanda: Qarasaı 11,6 myń adamǵa, Talǵar 7,0 myń adamǵa, Ile 6,9 myń adamǵa, Jambyl 2,1 myń adamǵa, Eńbekshiqazaq 1,4 myń adamǵa, sondaı-aq Qonaev qalasynda 0,5 myń adamǵa az ósim baıqaldy.
Sonymen qatar, Raıymbek - 0,7 myń adam, Kegen - 0,7 myń adam, Balqash - 0,4 myń adam, Uıǵyr aýdandarynda -0,3 myń adam halyq sanynyń azaıýy oryn alýda.
Oblys ekonomıkasynda 2023 jyldyń 1 qańtaryna jumys kúshiniń sany 2022 jyldyń basymen salystyrǵanda 42,2 myń adamǵa ósti. Jumys kúshiniń eń kóp ósýi kelesi aýdandarda tirkeldi: Ile 24,6 myń adamǵa, Qarasaı 15,6 myń adamǵa jáne Qonaev qalasynda 7,1 myń adamǵa. Sonymen qatar, Eńbekshiqazaq aýdanynda 15,8 myń adamǵa jáne Raıymbek aýdanynda 5,4 myń adamǵa aıtarlyqtaı tómendeý baıqalady.
Jumys kúshiniń ósýine jumyspen qamtylǵan halyq sanynyń artýy aıtarlyqtaı áser etedi. Jalpy esepti kezeńde oblystyń jumyspen qamtylǵan halqy 37,8 myń adamǵa ósip, 697,7 myń adamdy qurady. Jumyspen qamtylǵan halyq arasynda jaldamaly qyzmetkerler sany - 499,1 myń adamdy, óz betinshe jumyspen qamtylǵandar - 198,6 myń adamdy qurady.
Ile aýdanynda-23,6 myń adam, Talǵar aýdanynda -15,2 myń adam jáne Qonaev qalasynda - 6,7 myń adam jumyspen qamtylǵan azamattardyń eń kóp ósýi baıqaldy. Sonymen qatar, jumyspen qamtylǵandar sanynyń tómendeýi myna aýdandarda tirkeldi: Eńbekshiqazaq-15 myń adam, Raıymbek-5,1 myń adam, Jambyl-2,9 myń adam, Kegen-0,8 myń adam.
Eńbek naryǵynyń júrgizilgen monıtorıngin eskere otyryp, ishki eńbek naryǵynda suranys pen usynys arasyndaǵy teńgerimsizdikti boldyrmaý maqsatynda oblysta ınvestıııalar tartý, óndirister qurý jónindegi jumys jandandyrylady. Halyqtyń kásipkerlik qyzmetin yntalandyrý úshin granttar, nesıeler sııaqty tetikter keńinen qoldanylady.
