ارمەنيا تاراپى سان جىلدان بەرى قوس ەل ءۇشىن "بىتەۋ جاراعا" اينالعان تاۋلى قاراباقتىڭ ازىربايجانعا تيەسىلى ەكەندىگىن مويىنداۋعا دايىن ەكەندىگىن جەتكىزدى. دەگەنمەن وزدەرىنىڭ قوياتىن تالابىن دا قاتار اتاپ ءوتتى. تالاپ بويىنشا، ايماقتا قالعان ارميانداردىڭ قاۋىپسىزدىگىنە كەپىلدىك بەرىلۋى ءتيىس. بۇل جايلى "ادىرنا" حالىقارالىق اگەنتتىكتەرگە سىلتەمە جاساپ حابارلادى.
ارمەنيا ايماقتا قالعان ارميان حالقىنىڭ قاۋىپسىزدىگى ساقتالعان جاعدايدا تاۋلى قاراباقتىڭ ازىربايجانعا تيەسىلى ەكەنىن مويىنداماق. بۇل تۋرالى ارمەنيا پرەمەر-ءمينيسترى نيكول پاشين مالىمدەدى.
"ارمەنيا 86,6 مىڭ شارشى شاقىرىم جەردىڭ ازەربايجانعا تيەسىلى ەكەندىگىن مويىندايدى. سەبەبى، ازەربايجان 29,8 مىڭ شارشى شاقىرىمدى ارمەنياعا قاراستى دەپ قابىلداۋعا دايىن. ءازىربايجاننىڭ 86,6 مىڭ شارشى شاقىرىمىنا تاۋلى قاراباق تا كىرەدى، بىراق تاۋلى قاراباقتاعى ارمياندارىنىڭ قۇقىقتارى مەن قاۋىپسىزدىگى ماسەلەسىن باكۋ-ستەپاناكەرت كەلىسىمى نەگىزىندە تالقىلاۋ كەرەك", — دەدى پاشينيان.
نيكول پاشينيان، سونىمەن قاتار، تاۋلى قاراباقتا قالعان ارمياندارىنىڭ قاۋىپسىزدىگى مەن قۇقىقتارىنىڭ ساقتالۋىنا حالىقارالىق ۇيىمدار كەپىل بولۋى ءتيىس دەپ قاداپ ايتتى. كەپىلدىك بولماعان جاعدايدا، ءازىربايجان قاراباق ايماعىندا "ەتنيكالىق تازارتۋ جۇمىستارىن" جۇرگىزۋى مۇمكىن دەپ الاڭداۋشىلىق ءبىلدىردى.
"ادىرنا" ۇلتتىق پورتالى
