Armenııa tarapy san jyldan beri qos el úshin "biteý jaraǵa" aınalǵan Taýly Qarabaqtyń Ázirbaıjanǵa tıesili ekendigin moıyndaýǵa daıyn ekendigin jetkizdi. Degenmen ózderiniń qoıatyn talabyn da qatar atap ótti. Talap boıynsha, aımaqta qalǵan armıandardyń qaýipsizdigine kepildik berilýi tıis. Bul jaıly "Adyrna" halyqaralyq agenttikterge silteme jasap habarlady.
Armenııa aımaqta qalǵan armıan halqynyń qaýipsizdigi saqtalǵan jaǵdaıda Taýly Qarabaqtyń Ázirbaıjanǵa tıesili ekenin moıyndamaq. Bul týraly Armenııa premer-Mınıstri Nıkol Pashın málimdedi.
"Armenııa 86,6 myń sharshy shaqyrym jerdiń Ázerbaıjanǵa tıesili ekendigin moıyndaıdy. Sebebi, Ázerbaıjan 29,8 myń sharshy shaqyrymdy Armenııaǵa qarasty dep qabyldaýǵa daıyn. Ázirbaıjannyń 86,6 myń sharshy shaqyrymyna Taýly Qarabaq ta kiredi, biraq Taýly Qarabaqtaǵy armıandarynyń quqyqtary men qaýipsizdigi máselesin Baký-Stepanakert kelisimi negizinde talqylaý kerek", — dedi Pashınıan.
Nıkol Pashınıan, sonymen qatar, Taýly Qarabaqta qalǵan armıandarynyń qaýipsizdigi men quqyqtarynyń saqtalýyna halyqaralyq uıymdar kepil bolýy tıis dep qadap aıtty. Kepildik bolmaǵan jaǵdaıda, Ázirbaıjan Qarabaq aımaǵynda "etnıkalyq tazartý jumystaryn" júrgizýi múmkin dep alańdaýshylyq bildirdi.
"Adyrna" ulttyq portaly
