اقتاۋدا Toyota Land Cruiser جۇرگىزۋشىسى جاياۋ جۇرگىنشىلەر وتكەلىنەن ءوتىپ بارا جاتقان بالالى ايەلدى قاعىپ ءولتىردى، - دەپ حابارلايدى ”ادىرنا” ۇلتتىق پورتالى Lada.kz سايتىنا سىلتەمە جاساپ.
قايعىلى وقيعا 20 جەلتوقساندا 16 جانە 19-شاعىناۋداندار اراسىندا بولعان. پوليتسيا قىزمەتكەرلەرى 23.45-تە شاقىرتۋ تۇسكەنىن مالىمدەدى.
"Toyota Land Cruiser جۇرگىزۋشىسى جاياۋ جۇرگىنشىلەر وتكەلىنەن ءوتىپ بارا جاتقان جاياۋ جۇرگىنشىنى قاعىپ كەتتى. ناتيجەسىندە، 29 جاستاعى ايەل العان جاراقاتىنان وقيعا ورنىندا قازا بولدى", - دەدى وبلىستىڭ پوليتسيا دەپارتامەنتى وكىلى.
بەس جاسار قىز ماڭعىستاۋ وبلىستىق بالالار اۋرۋحاناسىنا جەتكىزىلگەنى، كەيىن ول دا ەسىن جيماستان قايتىس بولعانى بەلگىلى بولدى.
بۇل دەرەك قىلمىستىق كودەكستىڭ 345-بابى 4-بولىگى "كولiك قۇرالدارىن باسقاراتىن ادامداردىڭ جول ءجۇرىسى نەمەسە كولiك قۇرالدارىن پايدالانۋ قاعيدالارىن ابايسىزدا ەكى جانە ودان دا كوپ ادامنىڭ ولىمىنە اكەپ سوققان جاعدايدا بۇزۋى" بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىندە تىركەلگەن.
قۇقىق قورعاۋ ورگاندارى قازىرگى ۋاقىتتا تەرگەۋ امالدارى جۇرگىزىلىپ جاتقانىن مالىمدەدى. سوت-مەديتسينالىق ساراپتاما تاعايىندالدى. جۇرگىزۋشى ۋاقىتشا ۇستاۋ يزولياتورىنا قامالعان.
“ادىرنا” ۇلتتىق پورتالى