اقتوبەدە جول اپاتىنان ءبىر ادام قازا تاۋىپ، ءۇش جولاۋشى اۋرۋحاناعا جەتكىزىلدى، دەپ حابارلايدى "ادىرنا" ۇلتتىق پورتالى.
بۇل تۋرالى اقتوبە وبلىسى پوليتسيا دەپارتامەنتىنىڭ ءباسپاسوز قىزمەتى حابارلادى.
"25 قاراشادا ساعات 9.30-دا شۇبارقۇدىق-ويىل-قوبدا-تۇزتوبە تاس جولىنىڭ 225 شاقىرىمىندا Renault Duster اۆتوكولىگىنىڭ جۇرگىزۋشىسى ءرۋلدى باسقارا الماي، قارسى جولاققا شىعىپ، اۋدارىلدى. جول-كولىك اپاتى سالدارىنان ءتورت جولاۋشى قوبدا اۋدانىنىڭ ورتالىق اۋرۋحاناسىنا جەتكىزىلدى، كەيىن ءبىر جولاۋشى اۋىر دەنە جاراقاتىنان اۋرۋحانادا قايتىس بولدى", - دەپ جازىلعان پد حابارلاماسىندا.پوليتسيانىڭ مالىمەتىنشە، زارداپ شەككەندەر مەن قازا تاپقان ازاماتتار ويىل اۋدانىنىڭ تۇرعىندارى بولىپ شىقتى.
ۇقساس جاڭالىقتار
