Oral mańynda apat bolyp, sonyń kesirinen eki eresek pen bala qaza tapty. Bul týraly “Moı gorod” saıty jarııalady, dep habarlaıdy “Adyrna” ulttyq portaly.
BQO polıııa departamentiniń baspasóz qyzmetiniń málimetinshe, apat 20 mamyr kúni saǵat 23:05 shamasynda bolǵan.
Podstepnoe –Melovye gorkı avtojolymen júrip kele jatqan Changan avtokóliginiń 46 jastaǵy júrgizýshisi qarsy jolaqqa shyǵyp, jartylaı tirkemesi bar VOLVO markaly avtokólikpen soqtyǵysty.
Jol-kólik oqıǵasy saldarynan Changan júrgizýshisi jáne onyń 2011 jáne 1977 jylǵy eki jolaýshysy esin jımaı, mert boldy. Osy fakti boıynsha sotqa deıingi tergeý bastalǵan. Polıııa bul aqparatqa túsinikteme bermedi.
Dál sol túni saǵat 02:20 shamasynda Atyraý oblysyndaǵy Dossor-Qulsary - Beıneý tas jolynyń 133-shaqyrymynda da jol apaty bolǵan. Toyota Ipsum jáne KamAZ kólikteri soqtyǵysyp, sonyń saldarynan Toyota Ipsum órtenip ketti. Toyota Ipsum-da bolǵan júrgizýshi men úsh jolaýshy qaza tapty. Solardyń ishinde bir bala bolǵan.
