Oral maŋynda apat bolyp, sonyŋ kesırınen ekı eresek pen bala qaza tapty. Būl turaly “Moi gorod” saity jariialady, dep habarlaidy “Adyrna” ūlttyq portaly.
BQO polisiia departamentınıŋ baspasöz qyzmetınıŋ mälımetınşe, apat 20 mamyr künı saǧat 23:05 şamasynda bolǧan.
Podstepnoe –Melovye gorki avtojolymen jürıp kele jatqan Changan avtokölıgınıŋ 46 jastaǧy jürgızuşısı qarsy jolaqqa şyǧyp, jartylai tırkemesı bar VOLVO markaly avtokölıkpen soqtyǧysty.
Jol-kölık oqiǧasy saldarynan Changan jürgızuşısı jäne onyŋ 2011 jäne
1977 jylǧy ekı jolauşysy esın jimai, mert boldy. Osy faktı boiynşa sotqa deiıngı tergeu bastalǧan. Polisiia būl aqparatqa tüsınıkteme bermedı.
Däl sol tünı saǧat 02:20 şamasynda Atyrau oblysyndaǧy Dossor-Qūlsary - Beineu tas jolynyŋ 133-şaqyrymynda da jol apaty bolǧan. Toyota Ipsum jäne KamAZ kölıkterı soqtyǧysyp, sonyŋ saldarynan Toyota Ipsum örtenıp kettı. Toyota Ipsum-da bolǧan jürgızuşı men üş jolauşy qaza tapty. Solardyŋ ışınde bır bala bolǧan.
