اقتاۋدا Chevrolet Aveo كولىگىنىڭ جۇرگىزۋشىسى جاياۋ جۇرگىنشىنى قاققان، دەپ حابارلايدى "ادىرنا" ۇلتتىق پورتالى.
جول-كولىك وقيعاسى 31 قازان كۇنى ساعات 14:40 شاماسىندا اقتاۋ قالاسىنداعى شاعىن اۋدانداردىڭ بىرىندە بولعان. قر ءىىم ۇلتتىق ۇلانىنىڭ "باتىس" وڭىرلىك قولباسشىلىعىنىڭ 6656 اسكەري ءبولىمىنىڭ اسكەري قىزمەتشىسى قايرات شىراقباەۆ جول-كولىك وقيعاسىنىڭ كۋاگەرى بولعان. وقيعا ورنىنا جەدەل جاردەم مەن پوليتسيا قىزمەتكەرلەرىن شاقىرىپ، زارداپ شەككەن ادامعا كومەككە اسىققانى ايتىلۋدا.
"جاعدايدى باعالاي وتىرىپ، مەن زارداپ شەككەندەرگە دەرەۋ العاشقى مەديتسينالىق كومەك كورسەتتىم. جەدەل جاردەم كەلگەنگە دەيىن ازاماتشا ءوز-وزىنە كەلدى", – دەيدى ۇلاندىق سەرجانت.
