ورالدا 39 جاستاعى ەر ازامات ءوز اناسىن ءولتىردى دەگەن كۇدىكپەن ۇستالدى. بۇل تۋرالى ىشكى ىستەر مينيسترلىگىنىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«3 تامىز كۇنى تۇسكى ساعات 12:56 شاماسىندا بقو پد كەزەكشى بولىمىنە شكولنايا كوشەسىندە ورنالاسقان پاتەردىڭ ەسىك الدىندا ءۇي يەسىنىڭ دەنەسىنىڭ جاتقانى تۋرالى حابارلاما كەلىپ ءتۇستى. وقيعا ورنىنا جەدەل تۇردە پوليتسيا قىزمەتكەرلەرى بارىپ، 60 جاستاعى ايەل ادامنىڭ ءمايىتىن تاپتى. جەدەل-ىزدەستىرۋ ءىس-شارالارىن جۇرگىزۋ بارىسىندا ءىزىن سۋىتپاي وسى ىسكە كۇدىكتى رەتىندە 1984 جىلعى ازامات انىقتالىپ، ۇستالدى»،–دەلىنگەن حابارلامادا.كۇدىكتى مارقۇمنىڭ پسيحونەۆرولوگيالىق مەكەمەدە ەسەپتە تۇرعان ۇلى ەكەنى انىقتالدى. وقيعانىڭ بولجامدى سەبەبى وتباسىلىق-تۇرمىستىق جانجال نەگىزىندە بولعان. كۇدىكتى ۇستالىپ، ۋۇي-عا قاماۋعا الىندى. قر قك 99-بابى بويىنشا سوتقا دەيىنگى تەرگەۋ امالدارى باستالدى.
ۇقساس جاڭالىقتار
