گرەكيا 17 جىلدىق سوت پروتسەسىنەن كەيىن جۇزدەگەن ۇرلانعان كونە جادىگەرلەرىن قايتارىپ الادى

2009
Adyrna.kz Telegram
فوتو: unn.com.ua
فوتو: unn.com.ua

ۇلىبريتانيا گرەكياعا بريتاندىق ونەر ديلەرى روبين سايمستىڭ كونە ارتەفاكتىلەر توپتاماسىنان 351 زاتتى قايتارادى. بۇل تۋرالى BBC گرەكيانىڭ مادەنيەت جانە سپورت ءمينيسترى لينا مەندونيگە سىلتەمە جاساپ جازدى، دەپ حابارلايدى “ادىرنا” ۇلتتىق پورتالى.

گرەكيا 17 جىل بويى سوت ارقىلى ارتەفاكتىلەردى قايتارىپ الۋعا تىرىستى.

روبين سايمس توپتاماسىندا زاڭسىز قازبا جۇمىستارى كەزىندە تابىلعان مىڭداعان كونە ونەر نىساندارى بار، ولار ءارتۇرلى ەلدەردە ساقتالعان. افينى سايمس انتيكۆاريات ساۋداسىمەن اينالىساتىن حالىقارالىق قىلمىس الەمىندە باستى ءرول اتقاردى دەپ ەسەپتەيدى.

«نەوليت داۋىرىنەن ەرتە ۆيزانتيا داۋىرىنە دەيىنگى، ءارى  Robin Symes Limited كومپانياسىنىڭ يەلىگىندە بولعان مۇسىندەر، ۆازالار، زەرگەرلىك بۇيىمدار، ىدىس-اياق جانە اكسەسسۋارلاردى گرەكيا مەملەكەتى قايتارىپ الدى. بۇل - كوپ جىلدىق ءىس »، - دەدى گرەكيانىڭ مادەنيەت مينيسترلىگى.

ۇلىبريتانيادان گرەكياعا الەكساندر ماكەدونسكيدىڭ قولا ءمۇسىنى دە قايتارىلدى. سونىمەن قاتار، ولار 19 عاسىردىڭ باسىندا ديپلومات لورد ەلگين گرەكيادان الىپ كەتكەن جانە قازىر بريتان مۇراجايىندا تۇرعان پارفەنون ءمۇسىنىن قايتارۋدى تالاپ ەتەدى.

پىكىرلەر