Italııa premer-mınıstri Djordja Melonı Qazaqstanǵa kelmeıtin boldy. Bul týraly prezıdenttiń baspasóz hatshysy Rýslan Jeldibaı áleýmettik jelige jazdy, dep habarlaıdy “Adyrna” ulttyq portaly.
Aıtýynsha, Italııada bolyp jatqan sý tasqyny saldarynan Italııa Premer-mınıstri Djordja Melonı Qazaqstanǵa kelmeıdi.
"Emılııa-Romanıa aımaǵynda bolǵan joıqyn sý tasqynysaldarynan kóptegen adamnyń qaza tabýyna baılanysty Italııa Premer-mınıstri Djordja Melonı tabıǵat apatynan zardap shekken óńirlerge barý úshin Hırosımada ótip jatqan G7 sammıtine sońyna deıin qatyspaı, eline qaıtyp barady.
Kelip túsken málimet boıynsha Italııanyń soltústiginde kem degende 40-tan astam eldi meken sý astynda qalyp, 20 myńnan astam adam baspanasynan aıyryldy.
Osy sebepke baılanysty Italııa Úkimeti basshysynyń Astanaǵa aldyn josparlanǵan jumys sapary bolmaıdy", - dep jazdy Rýslan Jeldibaı.
Jazbaǵa súıensek, Italııa tarapy Prezıdent Qasym-Jomart Toqaev pen Djordja Melonıdiń telefon arqyly sóılesýin uıymdastyrýdy suraǵan kórinedi.
Aıta keteıik, Memleket basshysy Qasym-Jomart Toqaev Italııa Premer-mınıstri Djordja Melonımen 22 mamyr kúni kesdesý kerek edi.
