قۇرىلتايدان كەلدىم. العاشقىدا ۇشاققا بيلەت العىم كەلىپ ەدى، كەيىن ول ويىمنان اينىپ، جۇرتتان بولەكتەنگىم كەلمەي پوەزدعا وتىردىم. پوەزدا ءبىر توپ جاستارمەن اڭگىمەلەسىپ ولارعا الەم ادەبيەتىنەن ءدارىس وقىعانداي بولدىم. قىرىقتان اسقان جانە ەندى تولىپ جاتقان اقىن-جازۋشىلارمەن سويلەسىپ، ءبىر-بىرىمىزبەن سىرلاسىپ، اڭگىمەمىز جاراسىپ راحاتتانىپ قالدىم.
قۇرىلتايدا ادەبيەتكە بىرگە كەلگەن زامانداستارىم مارالتاي.، جاراستارمەن قاۋقىلداسىپ مارە-سارە بولدىق. جازۋشىلار وداعىنىڭ مۇشەسى بولماسا دا ادەبيەتكە كوپتەگەن مىقتى دۇنيەلەر بەرگەن، ءارى جاقسى كورەتىن اعام، ءارى دوسىم اسىلبەك ىقساندى كورىپ، ءبىراز قالجىڭداستىق. ءوز باسىم بۇل قۇرىلتايعا ءىشىپ-جەۋ ءۇشىن ەمەس، ساعىندىرعان دوستارىمدى، قىلىقتارى ءتاتتى ەكى التىن ادايچيك جيەنىمدى كورۋ ءۇشىن باردىم.
تالانتتى اقىن، ءارى جازۋشى، ءارى عالىم نۇرجان قۋانتايۇلىنىڭ جازۋشىلار وداعى توراعاسىنىڭ ءبىرىنشى ورىنباسارى قىزمەتىنە تاعايىندالۋىن ءبىزدىڭ بۋىننىڭ ءبىر جەتىستىگى سانايمىن. بىزگە قولداۋ كورسەتكەن اعالارىما راحمەت ايتامىن. قولداۋ كورسەتە الماعان اعالارىما تۇسىنىستىكپەن قارايمىن.
ادام تابيعاتى قانداي كۇردەلى بولسا، مىنا دۇنيە دە سونداي كۇردەلى. دۇنيە اق پەن قارا تۇستەن عانا تۇرمايدى. ء_وز باسىم بۋىن مەن بۋىننىڭ اراسىندا تۇسىنىستىك بولۋى كەرەك دەپ ەسەپتەيمىن. سول ءۇشىن مەرەكە قۇلكەنوۆتىڭ توراعا بولۋىنا قارسى بولعان جوقپىن.
حالىق قايتا-قايتا ماعان حابارلاسىپ جاڭادان تاعايىندالعان قازاقستان جازۋشىلار وداعىنىڭ توراعاسى مەرەكە قۇلكەنوۆتىڭ «جازۋشى وپپوزيتسيادا بولماۋى كەرەك» دەگەن سوزىنە بايلانىستى پىكىر سۇراپ جاتىر. مەن مۇنداي پىكىرمەن كەلىسپەيمىن. وسى سوزگە بولا ءبىر-ەكى جازۋشى جو مۇشەلىگىنەن شىعىپ تا كەتىپتى. «ءسىز دە شىعىپ كەتىڭىز» دەپ مەنى ازعىرىپ جاتقاندار بار. ولارعا مەنىڭ بەرەتىن جاۋابىم بىرەۋ-اق. مەن جازۋشىلار وداعىنىڭ مۇشەلىگىنەن شىقپايمىن. ويتكەنى، مەن جازۋشىلىق پارىزدى مەرەكە قۇلكەنوۆتىڭ دەڭگەيىمەن ولشەمەيمىن.
