Quryltaıdan keldim. Alǵashqyda ushaqqa bılet alǵym kelip edi, keıin ol oıymnan aınyp, jurttan bólektengim kelmeı poezdǵa otyrdym. Poezda bir top jastarmen áńgimelesip olarǵa álem ádebıetinen dáris oqyǵandaı boldym. Qyryqtan asqan jáne endi tolyp jatqan aqyn-jazýshylarmen sóılesip, bir-birimizben syrlasyp, áńgimemiz jarasyp rahattanyp qaldym.
Quryltaıda ádebıetke birge kelgen zamandastarym Maraltaı., Jarastarmen qaýqyldasyp máre-sáre boldyq. Jazýshylar odaǵynyń múshesi bolmasa da ádebıetke kóptegen myqty dúnıeler bergen, ári jaqsy kóretin aǵam, ári dosym Asylbek Yqsandy kórip, biraz qaljyńdastyq. Óz basym bul quryltaıǵa iship-jeý úshin emes, saǵyndyrǵan dostarymdy, qylyqtary tátti eki altyn adaıchık jıenimdi kórý úshin bardym.
Talantty aqyn, ári jazýshy, ári ǵalym Nurjan Qýantaıulynyń Jazýshylar Odaǵy tóraǵasynyń birinshi orynbasary qyzmetine taǵaıyndalýyn bizdiń býynnyń bir jetistigi sanaımyn. Bizge qoldaý kórsetken aǵalaryma rahmet aıtamyn. Qoldaý kórsete almaǵan aǵalaryma túsinistikpen qaraımyn.
Adam tabıǵaty qandaı kúrdeli bolsa, myna dúnıe de sondaı kúrdeli. Dúnıe aq pen qara tústen ǵana turmaıdy. _Óz basym býyn men býynnyń arasynda túsinistik bolýy kerek dep esepteımin. Sol úshin Mereke Qulkenovtyń Tóraǵa bolýyna qarsy bolǵan joqpyn.
Halyq qaıta-qaıta maǵan habarlasyp jańadan taǵaıyndalǵan Qazaqstan Jazýshylar odaǵynyń tóraǵasy Mereke Qulkenovtyń «Jazýshy oppozıııada bolmaýy kerek» degen sózine baılanysty pikir surap jatyr. Men mundaı pikirmen kelispeımin. Osy sózge bola bir-eki jazýshy JO músheliginen shyǵyp ta ketipti. «Siz de shyǵyp ketińiz» dep meni azǵyryp jatqandar bar. Olarǵa meniń beretin jaýabym bireý-aq. Men Jazýshylar odaǵynyń músheliginen shyqpaımyn. Óıtkeni, men jazýshylyq paryzdy Mereke Qulkenovtiń deńgeıimen ólshemeımin.
