الماتىداعى قار بارىسى مۋرالىنىڭ ورنىنا جارنامالىق سۋرەت سالىنعان. تۇرعىندار مۇنى وزگەرتكەنىنە نارازىلىق ءبىلدىردى. بۇل تۋرالى فوتوگراف ۆياچەسلاۆ فۋرسوۆ ءوز Facebook-پاراقشاسىندا جازدى، دەپ حابارلايدى “ادىرنا” ۇلتتىق پورتالى.
جىبەك جولى كوشەسىندەگى ۇيدە بەينەلەنگەن قار بارىسى بار گراففيتي Coca-Cola-نىڭ جارناماسىنا اۋىستىرىلدى. اكىمدىك مۇنىڭ كەلىسىممەن ەكەنىن مالىمدەدى.
“قار بارىسى ەندى جوق. اكىمدىك بارلىعى كەلىسىلگەنىن جانە بۇل ارقىلى ولار الدەقايدا جاقسى تابىس تاباتىنىن حابارلايدى. اكىمدىككە مۇنىمەن توقتاپ قالماۋدى جانە بارىستى كولا بوتەلكەسىنە، ءتىپتى ەلتاڭباعا اۋىستىرۋدى ۇسىنامىن. وسىلايشا بۇدان دا كوپ اقشا تابۋعا بولاتىنىنا كۇمانىم جوق”، – دەپ جازدى فوتوگراف.
بۇل جارنامالىق مۋرالعا Coca Cola اي سايىن قالا بيۋدجەتىنە 200 اەك، ياعني 690 مىڭ تەڭگە تولەيدى.
Coca-Cola بۇعان قاتىستى مالىمدەمە جاسادى.
ء“بىز مۋرالعا قاتىستى جۇرتشىلىقتىڭ پىكىرىن ەستيمىز. وسى جاعدايدى شەشۋ ءۇشىن شارالار قابىلدايتىنىمىزدى حابارلايمىز. ناتيجەلەرى مىندەتتى تۇردە ايتىلادى. شىدامدىلىقتارىڭىزعا راحمەت”، – دەلىنگەن كومپانيانىڭ پاراقشاسىندا.
قالا ورتالىعىنداعى بارىستىڭ بەينەسى 2017 جىلى پايدا بولدى. مۇنى "بالالار بەيبىتشىلىكتى بەينەلەيدى" قوعامدىق قورى مەن المالى اۋداندىق اكىمدىگى جاساعان ەدى. قار بارىسى الماتى سيمۆولى دەپ سانالادى جانە بۇل مۋرال ەكى جىل بۇرىن ەڭ ۇزدىك گراففيتي دەپ اتالدى.
