Almatydaǵy qar barysy mýralynyń ornyna jarnamalyq sýret salynǵan. Turǵyndar muny ózgertkenine narazylyq bildirdi. Bul týraly fotograf Vıacheslav Fýrsov óz Facebook-paraqshasynda jazdy, dep habarlaıdy “Adyrna” ulttyq portaly.
Jibek joly kóshesindegi úıde beınelengen qar barysy bar graffıtı Coca-Cola-nyń jarnamasyna aýystyryldy. Ákimdik munyń kelisimmen ekenin málimdedi.
“Qar barysy endi joq. Ákimdik barlyǵy kelisilgenin jáne bul arqyly olar áldeqaıda jaqsy tabys tabatynyn habarlaıdy. Ákimdikke munymen toqtap qalmaýdy jáne barysty kola bótelkesine, tipti eltańbaǵa aýystyrýdy usynamyn. Osylaısha budan da kóp aqsha tabýǵa bolatynyna kúmánim joq”, – dep jazdy fotograf.
Bul jarnamalyq mýralǵa Coca Cola aı saıyn qala bıýdjetine 200 AEK, ıaǵnı 690 myń teńge tóleıdi.
Coca-Cola buǵan qatysty málimdeme jasady.
“Biz mýralǵa qatysty jurtshylyqtyń pikirin estımiz. Osy jaǵdaıdy sheshý úshin sharalar qabyldaıtynymyzdy habarlaımyz. Nátıjeleri mindetti túrde aıtylady. Shydamdylyqtaryńyzǵa rahmet”, – delingen kompanııanyń paraqshasynda.
Qala ortalyǵyndaǵy barystyń beınesi 2017 jyly paıda boldy. Muny "Balalar beıbitshilikti beıneleıdi" qoǵamdyq qory men Almaly aýdandyq ákimdigi jasaǵan edi. Qar barysy Almaty sımvoly dep sanalady jáne bul mýral eki jyl buryn eń úzdik graffıtı dep ataldy.
