12 مامىردا الماتىدا 50-گە جۋىق كينو سالاسىنىڭ وكىلى ۇلتتىق كينەماتوگرافيانى قولداۋ جونىندەگى مەملەكەتتىك ورتالىقتىڭ (ۇقكو) كەڭسەسى ورنالاسقان «الماتى» قوناقۇيىنىڭ الدىنا ميتينگكە شىقتى، دەپ حابارلايدى “ادىرنا” ۇلتتىق پورتالى.
ازاتتىقتىڭ حابارلاۋىنشا، ولار شاكەن ايمانوۆ ەسكەرتكىشىنىڭ الدىندا "ۇلتتىق كينوعا ۇلتتىق مەنەدجەر", "پرەزيدەنت توقاەۆ! كينو ورتالىعىنىڭ بىلىقتارىنا نازار اۋدارىڭىز!", "تاۋەلسىز كوميسسيا قۇرىلسىن" دەگەن جازۋى بار پلاكات ۇستاعان. ايتۋلارىنشا، بيىل ۇسىنعان جوبالارى ۇلتتىق كينونى قولداۋ مەملەكەتتىك ورتالىعىنىڭ ىرىكتەۋىنەن وتپەي قالعان.
ولار بايقاۋ كەزىندە كوميسسيا «تانىس ستسەناريستەر مەن رەجيسسەرلەردىڭ» جۇمىسىن تاڭداپ، «شىنايى قۇندى تۋىندىلاردى» ەلەۋسىز قالدىرعانىن ايتادى.
قاتىسۋشىلار بايقاۋ قورىتىندىسىن جارامسىز دەپ تانۋ، سونىمەن قاتار مادەنيەت مينيسترىمەن كەزدەسۋدى جانە مەملەكەتتىك مادەنيەت جانە مادەنيەت ورتالىعى باسشىلىعىنىڭ وتستاۆكاعا كەتۋىن تالاپ ەتۋدە. ولاردىڭ ايتۋىنشا، 2019 جىلى قابىلدانعان كينو تۋرالى زاڭداعى مەملەكەتتىك بايقاۋدى جۇرگىزۋ تۋرالى ەرەجەنىڭ بۇلىڭعىر تۇستارى كوپ، سونىڭ سالدارىنان كەيبىر اۆتورلار بايقاۋدان نەگىزسىز شەتتەتىلۋى مۇمكىن.
نارازىلار ەسكەرتكىش الدىندا پرەزيدەنت قاسىم-جومارت توقاەۆقا ارناپ ۇندەۋ وقىدى. ال اكىمدىك وكىلدەرى ولاردىڭ ارەكەتتەرىنىڭ «زاڭسىزدىعى تۋرالى» ەسكەرتكەن.
