جامبىل وبلىسىندا ۇزاق ۋاقىت بويى قىتاي ازاماتتارىنىڭ زاڭسىز كوشى-قونىن ۇيىمداستىرىپ كەلگەن پوليتسيا قىزمەتكەرلەرى مەن قىتاي قازاعى سوتتالدى. بۇل تۋرالى ۇقك حابارلادى.
ۇقك دەرەگىنشە، قىتايدان ميگرانتتارىنىڭ زاڭسىز ارناسىن تاراز قالالىق كوشى-قون پوليتسياسى ءبولىمىنىڭ قىزمەتكەرلەرى ۇيىمداستىرعان.
5 ناۋرىزدا تاراز قالالىق №2 سوتىنىڭ ۇكىمىمەن وسى ءىس بويىنشا كوشى-قون پوليتسياسى ءبولىمىنىڭ بۇرىنعى باسشىسى ا. زەيداليەۆ ءتورت جارىم جىلعا، ونىڭ ورىنباسارى ب. ناۋرىزباەۆ ءۇش جارىم جىلعا سوتتالدى. ولار "لاۋازىمىن اسىرا پايدالاندى" جانە "ادامداردىڭ زاڭسىز كوشى-قونىن ۇيىمداستىردى" دەپ ايىپتالعان.
ال قىتايدا تۋعان ۋ. سيلامبەك ەسىمدى ازامات "دەلدال" بولعانى ءۇشىن 4 جىلعا باس بوستاندىعىنان ايىرىلدى. وعان "ادامداردىڭ زاڭسىز كوشى-قونىن ۇيىمداستىردى" دەگەن ايىپ تاعىلعان.
ۇقك قازاقستان اۋماعىندا تۇرۋعا زاڭسىز رۇقسات العان قىتاي ازاماتتارىنىڭ قۇجاتتارىنىڭ كۇشىن جويۋ جاعىن قاراستىرىپ جاتقانىن حابارلادى.
