Jambyl oblysynda uzaq ýaqyt boıy Qytaı azamattarynyń zańsyz kóshi-qonyn uıymdastyryp kelgen polıııa qyzmetkerleri men Qytaı qazaǵy sottaldy. Bul týraly UQK habarlady.
UQK dereginshe, Qytaıdan mıgranttarynyń zańsyz arnasyn Taraz qalalyq kóshi-qon polıııasy bóliminiń qyzmetkerleri uıymdastyrǵan.
5 naýryzda Taraz qalalyq №2 sotynyń úkimimen osy is boıynsha kóshi-qon polıııasy bóliminiń burynǵy basshysy A. Zeıdalıev tórt jarym jylǵa, onyń orynbasary B. Naýryzbaev úsh jarym jylǵa sottaldy. Olar "laýazymyn asyra paıdalandy" jáne "adamdardyń zańsyz kóshi-qonyn uıymdastyrdy" dep aıyptalǵan.
Al Qytaıda týǵan Ý. Sılambek esimdi azamat "deldal" bolǵany úshin 4 jylǵa bas bostandyǵynan aıyryldy. Oǵan "adamdardyń zańsyz kóshi-qonyn uıymdastyrdy" degen aıyp taǵylǵan.
UQK Qazaqstan aýmaǵynda turýǵa zańsyz ruqsat alǵan Qytaı azamattarynyń qujattarynyń kúshin joıý jaǵyn qarastyryp jatqanyn habarlady.
