ماسكەۋدە، قىزىل الاڭدا، ەكىنشى دۇنيەجۇزىلىك سوعىستىڭ اياقتالعانىنا 78 جىل تولۋىنا بايلانىستى اسكەر شەرۋ ءوتتى. بيىلعى اسكەري شەرۋ العاش رەت كوشەدەگى ۇلكەن ەكرانداردان كورسەتىلدى. بۇل جايلى "ادىرنا" ۇلتتىق پورتالى "دوجد" ارناسىنا سىلتەمە كورسەتە وتىرىپ حابارلايدى.
رەسەي بيلىگىنىڭ بۇل جىلعى شەرۋدى ناسيحاتتاۋعا مىقتاپ كىرىسكەنى بايقالادى. اسكەري شەرۋ مەن سالتاناتتى جيىننىڭ تىكەلەي كورسەتىلىمى ماسكەۋ مەتروسىنداعى ۆاگونداردا ناسيحات الىپ جاتىر.
بيىلعى شەرۋگە جەتى ەلدىڭ باسشىسى قاتىستى. ولار: تاجىكستان پرەزيدەنتى ەمومالي راحمون، قازاقستان پرەزيدەنتى قاسىم-جومارت توقاەۆ، قىرعىزستان پرەزيدەنتى سادىر جاپاروۆ، وزبەكستان پرەزيدەنتى شاۆكات ميرزيەەۆ، تۇرىكمەنستان پرەزيدەنتى سەردار بەردىمۇحامەدوۆ، سونداي-اق ارمەنيا پرەمەر-ءمينيسترى نيكول پاشينيان مەن الەكساندر لۋكاشەنكو.
ولاردىڭ ىشىندە "رەسمي ساپارمەن" ماسكەۋگە ەلدەن بۇرىن بارعان قىرعىز پرەزيدەنتىنەن باسقاسى ءوز ساپارلارىن "جۇمىس ساپارلارى" رەتىندە كورسەتكەن. دەگەنمەن، "جۇمىس ساپارى" جوسىنىندا ولار جەڭىس كۇنىنە ارنالعان سالتاناتتى ءىس-شارالارعا قاتىسۋدا.
قىزىل الاڭداعى cالتاناتتى شەرۋ لەزدە اياقتالدى. جيىن شامامەن 45 مينۋتقا سوزىلدى. شەرۋدىڭ اۋەدەگى كورىنىستەرىنەن تۇراتىن بولىگى بولعان جوق.
ەسكە سالا كەتەيىك، وتكەن جىلعى سالتاناتتى شەرۋگە ءبىر دە ءبىر ەلدىڭ باسشىسى بارماعان بولاتىن. كرەمل ونىڭ سەبەبىن ماسكەۋدە اۋقىمدى جيىن ۇيىمداستىرىلمادى دەپ ءتۇسىندىردى.
"ادىرنا" ۇلتتىق پورتالى
