رەسەي فەدەراتسياسىنىڭ الماتىداعى باس كونسۋلى ەۆگەني بوبروۆ قازاقستاندا ورىس سىنىپتارى ازايىپ جاتقانىنا مينيسترلىكتى كىنالادى. بۇل تۋرالى ول تاسس اگەنتتىگىنە بەرگەن سۇحباتىندا ايتتى، دەپ حابارلايدى “ادىرنا” ۇلتتىق پورتالى.
كونسۋلدىڭ ايتۋىنشا، سوڭعى جىلدارى ءورىستىلدى مەكتەپتەر مەن سىنىپتار قىسقارعان. وعان سەبەپ، قازاق تىلىندە وقىتاتىن ءبىرىنشى سىنىپ وقۋشىلارىنا ارنالعان باعدارلامادان «ورىس ءتىلى» ءپانىنىڭ الىنىپ تاستالۋى قوعامدا ءبىراز الاڭداۋشىلىق تۋدىردى دەيدى.
سونداي-اق، ول بۇعان قازاقستانداعى ورىس ۇلتىنىڭ ەلدەگى ۇلەس سالماعى 15,2%-عا دەيىن ازايۋى عانا ەمەس، سونىمەن قاتار «وقۋ-اعارتۋ مينيسترلىگىنىڭ قازاق تىلىنە نەگىزدەلگەن مەملەكەتتىك وقۋ باعدارلاماسىن وزگەرتۋگە ەرەكشە نازار اۋدارۋى» ىقپال ەتىپ وتىرعانىن ايتقان.
«ءتىل ساياساتى، رەسەي مەن قازاقستاننىڭ ءبىلىم بەرۋ جانە مادەني باستامالاردى قولداۋ سالاسىنداعى ىنتىماقتاستىعى قازاقستانداعى ءورىستىلدى مادەنيەتتىڭ بايلىعىن ساقتاۋعا جانە ۇلت بىرلىگىن نىعايتۋعا كومەكتەسەدى»، – دەدى بوبروۆ.دەگەنمەن، قازاقستان پرەزيدەنتى قاسىم-جومارت توقاەۆتىڭ 2023 جىلدى تمد ەلدەرىندە ورىس ءتىلى جىلى دەپ جاريالاۋ تۋرالى باستاماسى بار. ءتىپتى، سوڭعى مالىمەتتەر بويىنشا، قازاقستان ورىس مەكتەپتەرىنىڭ سانى بويىنشا ء(تىپتى ارالاس مەكتەپتەردى ەسەپتەمەگەندە) ورتالىق ازيادا كوشباسشى بولىپ وتىر. ال رەسەيدە بىردە-ءبىر قازاق مەكتەبى جوق.
ۇقساس جاڭالىقتار
