رەسەيلىك ءانشى پولينا گاگارينانىڭ 5 ساۋىرگە استانادا جوسپارلانعان كونتسەرتى وتپەيتىن بولدى، دەپ حابارلايدى "ادىرنا" ۇلتتىق پورتالى.
بۇل تۋرالى قازاقستاندىق Zakazbiletov.kz بيلەت سەرۆيسى حابارلادى.
ءوز مالىمدەمەسىندە ۇيىمداستىرۋشىلار كونتسەرتتىڭ توقتاتىلۋىن «ۇيىمداستىرۋشىلارعا، ارتىسكە بايلانىستى ەمەس جاعدايلارمەن» ءتۇسىندىرىپ، بيلەت اقشاسى 14 كۇن ىشىندە قايتارىلاتىنىنا ۋادە بەردى. ايتا كەتەرلىگى، بۇل كونتسەرت ءانشىنىڭ رەسمي سايتىنداعى كەستەدە باستاپقىدا-اق كورسەتىلمەگەن. ونىڭ سايتىندا ەڭ جاقىن جوسپارلانعان ونەر كورسەتۋلەرى رەتىندە 15 ءساۋىر كۇنى بىشكەكتە جانە 16 ساۋىردە تاشكەنتتە بەلگىلەنگەن.
كونتسەرت ەلورداداعى كونگرەسس-حولل عيماراتىندا ءوتۋى ءتيىس ەدى. ۇيىمداستىرۋشىلار توقتاتىلۋدىڭ ناقتى سەبەپتەرىن اتامادى.
الايدا گاگارينانىڭ قازاقستانداعى كونتسەرتتەرى بىرنەشە رەت وتپەي قالعان ەدى.
2022 جىلدىڭ قاراشاسىندا الماتىداعى كونتسەرتى الەۋمەتتىك جەلىلەردەگى نارازىلىق تولقىنىنان كەيىن توقتاتىلدى. قازاقستاندىقتار رەسەيدىڭ ۋكرايناعا قارسى سوعىسىن اشىق قولداعان ءانشىنىڭ شاقىرىلۋىن ايىپتاعان.
2025 جىلى دا E-petition پلاتفورماسىندا گاگارينانىڭ كەلۋىنە قاتىستى حالىق قارسىلىق بىلدىرگەن.
