ۋكراينادا ەرتەڭ جۇمىس كۇنى. سەبەبى ولار بۇگىن دۇنيە ءجۇزىنىڭ باسقا ەلدەرىمەن بىرگە سوعىستا شەيىت بولعانداردى ەسكە الۋ كۇنىن وتكىزدى، سوندىقتان ەرتەڭگى كۇن ولار ءۇشىن مەرەكە ەمەس. ەرتەڭگى كۇندى مەرەكە دەپ تويلايتىندار - بۇرىن سسسر قۇرامىندا بولعان كولونيالدى ەلدەر عانا. ەرتەڭ ءالى دە بولسا سسسر ىقپالىنان شىعا الماي جۇرگەن، ورىستار ءۇشىن وتان سوعىسى اتالىپ جۇرگەن كۇن عانا تويلانادى. ال قازاقتار ءۇشىن ول وتان سوعىسى ەمەس، ويتكەنى قازاق جەرىندە بىردە-ءبىر قازاقتى نەمىس سولداتى اتىپ ولتىرگەن جوق. ولار تەك امالسىز، بودان ەل بولعاندىقتان عانا سول سوعىسقا كيلىكتى.
وكىنىشكە وراي مۇنى كوپتەگەن قازاقتار ءالى دە بولسا تۇسىنبەيدى، وزدەرىن ميلليونداپ اشتان قىرعان، سوعىسىپ قىرعان، ءالى كۇنگە دەيىن ءوز تىلدەرىندە سويلەتىپ كەلە جاتقان كولونيزاتورلارمەن بىرگە تويلايدى. بۇگىن كەشكە تامان 9-مامىرمەن قۇتتىقتاعان ۆيدەوروليكتەر ۋاتساپ ارقىلى قارشا بورايدى، ول انىق. سەبەبىن سوعىستا ولگەن اتالارىمەن تۇسىندىرەدى، ونىڭ ەشقانداي دا مەرەكە ەمەس ەكەندىگىن ءتۇسىندىرۋ پايداسىز. سەبەبى مەملەكەتتىڭ ءوزى مۇنى قولداپ وتىرادى، سەبەپ-سالدارلارىن اشىپ تۇسىندىرمەيدى، ۇلتتىق يدەولوگيا جوق. ينفورماتسيالىق كەڭىستىكتى كورشى ەل تولىقتاي جاۋلاپ العان. وكىنىشكە وراي دەسوۆەتيزاتسيا جۇرمەي ەشتەڭە دە وزگەرمەيتىنى انىق. ەندىگى ءۇمىت جاستاردا عانا.
