Ulttyq aqparat keńistiginde Pavlodar qalasy máslıhatynyń depýtaty Gúljaına Dárimovanyń "eski" vıdeo-úndeýine qatysty aqparat tarady. Vıdeodaǵy taqyryp aýany, áńgime jelisi qazaqstandyqtardyń qytyǵyna tıip, kópshilikti beı-jaı qaldyrmady. Keıinnen depýtat óziniń vıdeosy jaıly túsindirip, qyzmettik tulǵasy jaıly aıtyp berdi, dep habarlaıdy "Adyrna" ulttyq portaly.
Pavlodar qalalyq máslıhatynyń depýtaty Gúljaıda Dárimovaǵa qatysty vıdeony bloger Jan Ahmadıev bólisti. Vıdeodaǵy áńgime jelisinde qoǵam bersendisi ózine qarata "ne bolsa sony jazǵan" qyz-kelinshekterge eskertý jasap, "Kúıeýin, balasyn ne ákesin ertip áketýi múmkin" ekendigin aıtady. Olardy saq bolýǵa shaqyrady.
Posmotret etý pýblıkaııý v Instagram
Vıdeo 2022 jyldyń 10 jeltoqsanynda jarııalanǵan. Qoǵam belsendisi Gúljaına Dárimova 2023 jyldyń 25 naýryzy kúni qalalyq máslıhatqa depýtat bolyp saılandy. Eki oqıǵanyń arasy - 4 aı.
Jelide jeldeı esken vıdeo aqparat arnalary arqyly tutas qazaqstandyqtardyń "qulaǵyna shalynyp", qoǵamdyq pikir týdyrdy. Degenmen depýtattyń ózi arnaıy málimdeme jasap, kezinde ázil retinde túsirgen vıdeosyna qatysty esh alańdamaıtynyn jetkizdi. Málimdemesiniń mánine zer salsaq, depýtattyń qańqý sózge emes, jerlesterine arqa súıeıtindigi ańdalady.
Jańsaq pikir qalyptasqanyn qalamaıtyn depýtat...
Gúljaına Dárimova ózine qatysty kózqarastyń jalǵan daýryǵýǵa emes, atqarǵan qyzmetine qaraı qalyptasqanyn qalaıdy.
"Bezek qaqqan telefonǵa maza joq. Barlyǵy meniń mundaı vıdeo salǵanyma tańyrqap jatyr. Biraq sizder bul vıdeony bir jyl buryn jarııalaǵanymdy jaqsy bilesizder emes pe? Ol kezde depýtat emes edim. Ázil retinde reels (Instagram formaty) túsire salǵanmyn. Meni ar-uıattan bezgen áıel retinde kórsetkisi keletinderge qaırańmyn. Biraq meniń qandaı ekenimdi sizder jaqsy bilesizder ǵoı. Men tipti eshbir partııanyń múshesi de emespin. Bul qaǵytpa vıdeony ertede salǵanmyn. Qandaı bolmasyn, jarnamanyń aty - jarnama. Meniń muny shybyn shaqqan qurly elemeıtinimdi bilesizder. Eger maǵan eki qoıyń bir som bolsa, sizderge sol kúlkili bolsyn", - deıdi Dárimova.
“Kóńili jaı taýyp ketti. Biz úlgerdik. Janyń tynysh bolsyn, Nastıa”.
Dárimova isi: Qazaqstandyqtarǵa úndeý
Posmotret etý pýblıkaııý v Instagram
"Qazaqstan azamattaryna, basshylyq qyzmettegini talap jeýge asyq barlyq jýrnalısterge qarata úndeý joldaǵym keledi. Kerekýlikter meniń jaıymdy jaqsy biledi. Sabyrǵa keleıik. Atyshýly vıdeony meni qaralamaq bolǵandarǵa qaljyń retinde buryndary túsire salǵan edim. Meniń paraqshama kóz júgirtseńizder, men jaıly bári aıqyndalady. Men Kerekýdegi eń belsendi, qoǵammen birge jasap kele jatqan depýtatpyn. Eger meni saılaǵan halyq menen qaıta bas tartsa, ornymdy bosatýǵa daıynmyn. Sizderge emes, meniń daýys berýshilerimniń erkine qaldyrdym. Barlyǵyńyzǵa degen mahabbatym sheksiz", - dedi depýtat.
- Men de atalmysh vıdeony kórdim. Ony Dárimova saılaýǵa deıin taspalaǵan. Keıingi qyzmetinde abaq-cabaq vıdeo jarııalaǵanyn kórgen emespin. Onyń aıtyp otyrǵan sóziniń jany bar. Minezdi qyz bolsa da, óz qyzmetin adal atqaryp júr. Qoǵamdyq ómirde belsendi" - dedi Qoblanbek Qojın.
Munymen qosa alǵanda, máslıhat tóraǵasy "Dárimova" isine qatysty qandaı qadamdarǵa baratynyn baıandady.
"Eger qoǵam qoıar da qoımaı qajetti sharanyń qolǵa alynǵanyn talap etse, bizdiń tek eskertý jasaýǵa ǵana quqymyz bar. Al kinási tolyq dáleldengen jaǵdaıda ol keshirim suraýy tıis. Munyń bári jalpy jıynda qaralyp, talqylanatyn bolady", - dedi máslıhat tóraǵasy.
Budan baıqaıtynymyz, máslıhat tóraǵasy da, depýtattyń ózi de, daýly oqıǵaǵanyń "núktesin" qoıýdy saılaýshylarǵa tapsyrady.
