مەن قىتاي مامانى ەمەسپىن ، بىراق بۇرىننان قىتاي ءىس جۇزىندە ىدىراۋ جولىنا ءتۇستى دەپ جازىپ جۇرگەنمىن. كسرونىڭ جولىنا قىتاي مەن رەسەي (ەكىنشى رەت) ءتۇستى. قىتاي مەن رەسەيدىڭ حالىقتارىنىڭ ءبىر-ەكى ۇقساس جەرى ولار تۇرمىس ستاندارتىن كوتەرۋدى تالاپ ەتەتىن بولدى.
ەكىنشى ۇقساس ەرەكشەلىگى-قىتايدا دا، رەسەيدە دە ولكەلەردىڭ بيلىككە نارازىلىعى كۇشەيىپ كەلەدى، بىراق قىتاي مەن رەسەي باسشىلارى ءتول حالقىن باسقىنشىلىق يدەيالارمەن ساناسىن ۋلاندىرۋدا. سونداي جولمەن "كرىم ناش" ۇرانى كەڭ قولداۋ تاۋىپ، رەسەي ۋكراينانىڭ جارتىارالىن تارتىپ الدى دا، شىعىس ۋكراينادا اسكەري لاڭ باستادى.
ال قىتاي تايۆاندى قىتايعا قايتارامىن دەپ قىتاي ۇلتشىلدارىن قوزدىرىپ كەلەدى. ەگەردە، قىتاي كورشىلەرىنە شابۋىل جاساسا، رەسەي سياقتى سانكتسيالارعا ۇشىرايدى. مەنىڭ ويىمشا قىتايدىڭ دا، رەسەيدىڭ دە ىدىراپ دەموكراتيالىق جولعا تۇسكەنى جاقسى بولار، ياعني، يمپەريالىق قۋاتتى قىتاي مەن رەسەي بىزگە قاۋىپتى. قىتايدىڭ جانە رەسەيدىڭ مەملەكەتتىك ينۆەستيتسيالارى بىزگە قاۋىپتى، ال، باتىس ەلدەرىنىڭ جەكە مەنشىك ينۆەستيتسيالارى بىزگە ءتيىمدى، ارينە ينۆەستيتسيالاردىڭ تەپە تەڭدىگى كەرەك.
ماسەلەن، قىتاي ۇلەسى- 25% ، رەسەي ۇلەسى- 25%، باتىس ۇلەسى- 25% بولسا دۇرىس بولار ەدى. تاجىكستان قارىزعا باتىپ، ەندى جەرىن بەرىپ ەسەپتەسەدى دەگەن اڭگىمە بار. سەرىكجان ءبىلاشتىڭ قىتاي قاۋىپى تۋرالى تالداۋى وتە قيسىندى. قىتايدىڭ داعدارىسقا ەنۋ سەبەبى، كوممۋنيستىك توتاليتارلىق جۇيە.
توتاليتارلىق جۇيە ەكونوميكانى داعدارىسقا اپاردى: 10% دان 6.5% ءتۇستى. بىراق قىتاي ءوز ساياساتىن بىرەسە قاتاڭداتىپ- كورشىلەرمەن سوعىس باستاپ، بىرەسە جۇمسارتاتىن ادەتى بار. كەلەسى ەميگراتسيالىق كەزەڭى تاعى كەلەر. سول تۇستا قازەكەڭ اتا مەكەنگە تولىق وتەتىن كەز ءبىر كەلەر. سول تۇستا قازاقستاننىڭ يمميگراتسيا باسشىلارى تاعى دا قىرسىقپاي، كەلگەن قازاقتى قابىلداسا بولار ەدى.
"ادىرنا" ۇلتتىق پورتالى
