Air Astana اۋە كومپانياسى اقتاۋعا رەيستىڭ 15 ساعاتقا كەشىگۋىنە بايلانىستى ايىپپۇل تولەدى، دەپ حابارلايدى "ادىرنا" ۇلتتىق پورتالى «لاداعا» سىلتەپ.
«Air Astana اۋە كومپانياسى اقتاۋعا رەيستىڭ 15 ساعاتقا كەشىگۋىنە بايلانىستى ايىپپۇل تولەدى. اۋە جولاۋشىلارىنىڭ قۇقىعىن ماڭعىستاۋ كولىك پروكۋراتۋراسى قورعادى»، - دەپ جازادى جەرگىلىكتى باسىلىم.
كومپانيا اكىمشىلىك جاۋاپكەرشىلىككە تارتىلىپ، 1 846 000 تەڭگە كولەمىندە ايىپپۇل سالىندى.
جولاۋشىلارعا قوناقۇي، تاماقتانۋ، انا مەن بالا بولمەسى، سونداي-اق اۋەجايدان قالاعا تاسىمالداۋ قاراستىرىلماعان. بۇل جاعداي 12 تامىزدا، جولاۋشىلار اقتاۋدان الماتىعا ۇشا الماي قالعان كەزدە ورىن العان.
ايتا كەتەيىك، 2024 جىلدىڭ 3 قىركۇيەگىندە ساعات 10:30-دا استانادان الماتىعا ۇشاتىن ەير استانا 852 رەيسىندە كومپانيا قىزمەتكەرلەرى بيبىگۇل تولەگەنوۆاعا دورەكىلىك تانىتقانى ايتىلدى.
