باس پروكۋرور بەرىك اسىلوۆ سوتتالىپ، جازاسىن وتەپ جاتقان بەلسەندى مارعۇلان بورانباەۆ پەن دانات نامازباەۆتى بوساتۋ جونىندە تالاپقا جاۋاپ بەردى، دەپ حابارلايدى «ادىرنا» ءتىلشىسى.
بۇعان دەيىن پارلامەنت ءماجىلىسىنىڭ دەپۋتاتتارى ەرمۇرات باپي، رينات زايتوۆ، قازىبەك يسا مەن ابزال قۇسپان مارعۇلان بەلسەندىلەرگە قيانات جاسالعانىن، ولارعا شىققان ۇكىمدى قايتادان قاراۋ قاجەت ەكەندىگىن ايتقان ەدى.
«الماتى قالاسى المالى اۋداندىق سوتىنىڭ 2022 جىلعى 14 ناۋرىزداعى زاڭدى كۇشىنە ەنگەن ۇكىمىمەن بورانباەۆ (5 جىل 2 اي باس بوستاندىعىنان ايىرۋ) ۇلتتىق الاۋىزدىقتى قوزدىرعانى ءۇشىن (قك-ءنىڭ 174-بابى 2-بولىگى) جəنە نامازباەۆپەن (5 جىل باس بوستاندىعىنان ايىرۋ) ءبىر توپتا بيلىكتى كۇشتەپ باسىپ الۋعا شاقىرعانى ءۇشىن (قك-ءنىڭ 179-بابى 2-بولىگى) سوتتالعانى انىقتالدى. وسى ءىس بويىنشا سىزدەر جاڭادان اشىلعان مəن-جايلار بويىنشا سوت اكتىلەرىن قايتا قاراۋ تۋرالى مəسەلە قويىپ وتىرسىزدار. سونىمەن بىرگە جاڭادان اشىلعان مəن-جايلار بويىنشا قىلمىستىق ءىس جونىندە ءىس جۇرگىزۋدى قايتا باستاۋ ءتəرتىبى مەن نەگىزدەرى قىلمىستىق-پروتسەستىك كودەكستىڭ (بۇدان ءəرى – قپك) 53-تاراۋىمەن رەتتەلەدى. بۇل ءىس جۇرگىزۋ قىلمىستىق پروتسەستىڭ ءبىر ساتىسى بولىپ ەسەپتەلەدى ءارى ول جەردە ۇكىم شىعارۋ كەزىندە سوت بىلمەگەن مəن-جايلاردىڭ بولۋى نەمەسە بولماۋى تۋرالى مəسەلە شەشىلەدى»،—دەپ جاۋاپ بەردى باس پروكۋرور.
سونداي-اق ول قپك-ءنىڭ 502-بابىنا سəيكەس قىلمىستىق پروتسەستىڭ قاتىسۋشىلارى (سوتتالعان، جəبىرلەنۋشى، ولاردىڭ قورعاۋشىلارى نەمەسە زاڭدى وكىلدەرى) عانا جاڭادان اشىلعان مəن-جايلار بويىنشا ءىس جۇرگىزۋدى قوزعاۋ تۋرالى وتىنىشحاتپەن جۇگىنۋ قۇقىعىنا يە ەكەنىن اتاپ ءوتتى.
«بورانباەۆ، نامازباەۆ جəنە ولاردىڭ قورعاۋشىلارى وسى نەگىزدەرمەن جۇگىنبەگەن، ياعني ولار وزدەرىنىڭ ءىس جۇرگىزۋ قۇقىقتارىن ىسكە اسىرماعان. وسىعان بايلانىستى سوتتالعاندار ۇكىم شىعارۋ كەزىندە سوتقا بەلگىسىز بولعان مəن-جايلاردى كورسەتە وتىرىپ جəنە ولاردىڭ كىنəسىزدىگى نەمەسە ونشا اۋىر ەمەس قىلمىستىق قۇقىق بۇزۋشىلىقتى جاساعانىن كۋəلاندىراتىن ءوتىنىشحاتتى سوتقا نە پروكۋراتۋرا ورگاندارىنا دەربەس بەرۋگە قۇقىلى ەكەندىگىن تۇسىندىرەمىز»،—دەدى بەرىك اسىلوۆ.
