داريعا نازارباەۆانىڭ بۇرىنعى قۇداسى، كاسىپكەر قايرات بورانباەۆتىڭ جازاسى باس بوستاندىعىن شەكتەۋگە اۋىستىرىلدى. بۇل تۋرالى اقمولا وبلىسى زەرەندى اۋداندىق سوتى ايتتى، دەپ حابارلايدى «ادىرنا» ءتىلشىسى.
سوت كاسىپكەر ارىزىنىڭ قاناعاتتاندىرىلعانىن اتاپ ءوتتى.
ۇكىمدى اۋىستىرۋ كەزىندە كەلەسى ءمان-جايلار ەسكەرىلدى:
- سوتتالعان ادام جازا مەرزىمىنىڭ 1/3 بولىگىن (2 جىل 4 اي 5 كۇن) وتەدى;
- مەملەكەتكە كەلتىرىلگەن زالالدى تولىعىمەن وتەپ، تەرگەۋگە كومەكتەستى جانە ىسىنە وكىنەدى;
- قاماۋدا ۇستاۋ كەزىندە وعان وڭ سيپاتتاما بەرىلدى.
سوت شەشىمىنە سايكەس بورانباەۆ تۇرمەدەن بوساتىلىپ، پروباتسيالىق باقىلاۋعا الىنادى.
سوت قاۋلىسى زاڭدى كۇشىنە ەنگەن جوق.
ەسكە سالايىق، بۇعان دەيىن قايرات بورانباەۆتىڭ 6 جىلعا سوتتالعانىن جازعان ەدىك. قازاقستاندىق وليگارح اقشا جىمقىرۋ جانە قىلمىستىق جولمەن الىنعان اقشانى زاڭداستىرعانى ءۇشىن كىنالى دەپ تانىلدى.
2023 جىلعى 31 ناۋرىزدا قايرات بورانباەۆ 8 جىلعا باس بوستاندىعىنان ايىرىلعان ەدى. جازدا سوت بۇل ۇكىمنىڭ كۇشىن جويدى، تاراپتار پروتسەسسۋالدى كەلىسىم بەكىتۋ تۋرالى شەشىمگە كەلدى.
