Bas prokýror Berik Asylov sottalyp, jazasyn ótep jatqan belsendi Marǵulan Boranbaev pen Danat Namazbaevty bosatý jóninde talapqa jaýap berdi, dep habarlaıdy «Adyrna» tilshisi.
Buǵan deıin Parlament Májilisiniń depýtattary Ermurat Bapı, Rınat Zaıtov, Qazybek Isa men Abzal Quspan Marǵulan belsendilerge qııanat jasalǵanyn, olarǵa shyqqan úkimdi qaıtadan qaraý qajet ekendigin aıtqan edi.
«Almaty qalasy Almaly aýdandyq sotynyń 2022 jylǵy 14 naýryzdaǵy zańdy kúshine engen úkimimen Boranbaev (5 jyl 2 aı bas bostandyǵynan aıyrý) ulttyq alaýyzdyqty qozdyrǵany úshin (QK-niń 174-baby 2-bóligi) jəne Namazbaevpen (5 jyl bas bostandyǵynan aıyrý) bir topta bılikti kúshtep basyp alýǵa shaqyrǵany úshin (QK-niń 179-baby 2-bóligi) sottalǵany anyqtaldy. Osy is boıynsha sizder jańadan ashylǵan mən-jaılar boıynsha sot aktilerin qaıta qaraý týraly məsele qoıyp otyrsyzdar. Sonymen birge jańadan ashylǵan mən-jaılar boıynsha qylmystyq is jóninde is júrgizýdi qaıta bastaý tərtibi men negizderi Qylmystyq-proestik kodekstiń (budan əri – QPK) 53-taraýymen retteledi. Bul is júrgizý qylmystyq proestiń bir satysy bolyp esepteledi ári ol jerde úkim shyǵarý kezinde sot bilmegen mən-jaılardyń bolýy nemese bolmaýy týraly məsele sheshiledi»,—dep jaýap berdi Bas prokýror.
Sondaı-aq ol QPK-niń 502-babyna səıkes qylmystyq proestiń qatysýshylary (sottalǵan, jəbirlenýshi, olardyń qorǵaýshylary nemese zańdy ókilderi) ǵana jańadan ashylǵan mən-jaılar boıynsha is júrgizýdi qozǵaý týraly ótinishhatpen júginý quqyǵyna ıe ekenin atap ótti.
«Boranbaev, Namazbaev jəne olardyń qorǵaýshylary osy negizdermen júginbegen, ıaǵnı olar ózderiniń is júrgizý quqyqtaryn iske asyrmaǵan. Osyǵan baılanysty sottalǵandar úkim shyǵarý kezinde sotqa belgisiz bolǵan mən-jaılardy kórsete otyryp jəne olardyń kinəsizdigi nemese onsha aýyr emes qylmystyq quqyq buzýshylyqty jasaǵanyn kýəlandyratyn ótinishhatty sotqa ne prokýratýra organdaryna derbes berýge quqyly ekendigin túsindiremiz»,—dedi Berik Asylov.
