قاڭتار وقيعاسى كەزىندە جۇمىس ورنىن تاستاپ كەتكەن پوليتسيا دەپارتامەنتىنىڭ ەكس-باسشىسى سەرىك كۇدەباەۆقا قاتىستى سوت وتىرىسى وسىمەن ءۇشىنشى رەت كەيىنگە شەگەرىلدى. بۇل تۋرالى جەتىسۋ وبلىستىق سوتىنىڭ رەسمي وكىلى نۇرسۇلتان ورىنباساروۆ مالىمدەدى، دەپ حابارلايدى “ادىرنا” ۇلتتىق پورتالى.
ونىڭ سوزىنشە، وتىرىستىڭ كەيىنگە شەگەرىلۋى ونىڭ اۋرۋحاناعا تۇسۋىمەن بايلانىستى.
سەرىك كۇدەباەۆتىڭ سوتى قاڭتار ايىندا باستالعان ەدى. ول قاڭتار وقيعاسى بويىنشا كۇدىكتى دەپ تانىلعان. كۇدەباەۆ 2020 جىلدان باستاپ 2022 جىلدىڭ قاڭتارىنا دەيىن الماتى وبلىسى پوليتسيا دەپارتامەنتىنىڭ باستىعى قىزمەتىن اتقاردى.
ايتا كەتەيىك، پروكۋرور سۋديادان سەرىك كۇدەباەۆقا 9 جىل باس بوستاندىعىنان ايىرۋ جازاسىن تاعايىنداۋدى سۇراعان.
كەلەسى سوت وتىرىسىنىڭ قاشان بولاتىنى ازىرگە بەلگىسىز.
