استانا قالاسى توتەنشە جاعدايلار دەپارتامەنتىنىڭ مالىمەتىنشە، وقيعا ەلورداداعى تۇرعىن ءۇي كەشەندەرىنىڭ بىرىندە بولعان. تەرەزە تازالاۋشى توعىز قاباتتى عيماراتتىڭ سىرتىندا جۇمىس ىستەپ جاتقان كەزدە الپينيستىك قۇرالىنان قۇلاپ كەتتى، دەپ حابارلايدى "ادىرنا".
1 مامىر كۇنى، ساعات 17:33-تە 103 قىزمەتىنە 1988 جىلى تۋىلعان ەر ادام توعىز قاباتتى تۇرعىن ءۇي كەشەنىندە بيىكتىكتەگى جۇمىستاردى، اتاپ ايتقاندا عيمارات سىرتىنداعى تەرەزەلەردى جۋ كەزىندە جەتىنشى قاباتتان الپينيستىك قۇرالدان قۇلاپ كەتكەنى تۋرالى حابارلاما ءتۇستى. العان جاراقاتتارىنان سول جەردە قايتىس بولدى، - دەلىنگەن حابارلامادا.
ۆەدومستۆو جىل سايىن اپتاپ ىستىق سالدارىنان بالالاردىڭ دا، ەرەسەكتەردىڭ دە جازاتايىم تەرەزەدەن قۇلاۋ وقيعالارى كوبەيىپ جاتقانىن اتاپ ءوتتى. كوبىنەسە قايعىلى وقيعالار ۇلكەندەردىڭ كوڭىل اۋدارماۋىنان جانە تەرەزەلەردى جۋ كەزىندە نەمقۇرايلىلىقپەن قاراعاننان تۋىندايتىنىن ايتتى.
"ادىرنا" ۇلتتىق پورتالى
