Astana qalasy Tótenshe jaǵdaılar departamentiniń málimetinshe, oqıǵa elordadaǵy turǵyn úı keshenderiniń birinde bolǵan. Tereze tazalaýshy toǵyz qabatty ǵımarattyń syrtynda jumys istep jatqan kezde alpınıstik quralynan qulap ketti, dep habarlaıdy "Adyrna".
1 mamyr kúni, saǵat 17:33-te 103 qyzmetine 1988 jyly týylǵan er adam toǵyz qabatty turǵyn úı kesheninde bıiktiktegi jumystardy, atap aıtqanda ǵımarat syrtyndaǵy terezelerdi jýý kezinde jetinshi qabattan alpınıstik quraldan qulap ketkeni týraly habarlama tústi. Alǵan jaraqattarynan sol jerde qaıtys boldy, - delingen habarlamada.
Vedomstvo jyl saıyn aptap ystyq saldarynan balalardyń da, eresekterdiń de jazataıym terezeden qulaý oqıǵalary kóbeıip jatqanyn atap ótti. Kóbinese qaıǵyly oqıǵalar úlkenderdiń kóńil aýdarmaýynan jáne terezelerdi jýý kezinde nemquraılylyqpen qaraǵannan týyndaıtynyn aıtty.
"Adyrna" ulttyq portaly
