جەدەل-ىزدەستىرۋ ءىس-شارالارى ناتيجەسىندە 21 قازاندا ۋاقىتشا ۇستاۋ يزولياتورىنان قاشقان كۇدىكتى ك. تەرەڭقارا اۋىلىنىڭ شەتىندە ۇستالدى. بۇل تۋرالى وبلىستىق دەپارتامەنتى جاريالادى، دەپ حابارلايدى “ادىرنا” ۇلتتىق پورتالى.
ىزدەستىرۋ جۇمىستارى باستالعان ساتتەن باستاپ پوليتسيانىڭ بارلىق كۇشتەرى جۇمىلدىرىلدى، سونداي-اق ىزدەۋ شارالارىنا قوعامدىق كومەكشىلەر، ەرىكتىلەر مەن وبلىس تۇرعىندارى تاراپىنان قۇرىلعان ەرىكتى جاساقتار بەلسەندى تۇردە اتسالىستى.
«كۇدىكتى قايتادان ۋاقىتشا ۇستاۋ يزولياتورىنا قامالدى. وعان جاسالعان نەگىزگى قىلمىسقا قوسىمشا قاماۋدان قاشقانى ءۇشىن ايىپ تاعىلادى. پوليتسيا ىزدەۋ شارالارىنا قولداۋ كورسەتكەن بارلىق ازاماتتارعا العىس بىلدىرەدى»، - دەلىنگەن حابارلامادا.
ەسكە سالساق، 26 جاستاعى كۇدىكتى 21-قازان كۇنى قاشىپ كەتكەن ەدى. ول قامالعانعا دەيىن تەرەڭقارا اۋىلىندا تۇرعان. ەر ادام زورلىق جاسادى دەگەن كۇدىكپەن ۇستالعان ەدى.
