اقساي قالاسىندا كوپ قاباتتى تۇرعىن ءۇي اۋلاسىندا ەر ادامدار اراسىندا قاقتىعىس بولىپ، تاپانشادان وق اتىلدى. بۇل تۋرالى وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
اتالمىش وقيعا تۇسىرىلگەن بەينەجازبا الەۋمەتتىك جەلىدە كەڭىنەن تارالدى.
وندا ەر ادامداردىڭ ءبىر-بىرىمەن بايلانىسىپ، بىرەۋىنىڭ سوققى جۇمساپ، قاشا جونەلگەنى كورىنەدى. ءبارى سونىڭ سوڭىنان قۋىپ بارا جاتقان ساتتە اتىسقا ۇقساس داۋىس تا ەستىلەدى.
بقو پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەنىندەي، وقيعا 29 ءساۋىر كۇنى شامامەن ساعات 18.00-دە بولدى.
«قابىلدانعان ءىس-شارالار ناتيجەسىندە جانجالعا قاتىسۋشىلاردىڭ ءبارى انىقتالىپ، پوليتسياعا جەتكىزىلدى. اتالعان دەرەك بويىنشا قر قك 293-بابى 3-بولىگى 2-تارماقشاسىنا (گازدى قارۋدى قولدانىپ جاسالعان بۇزاقىلىق) سايكەس سوتقا دەيىنگى تەرگەۋ امالدارى باستالدى. ءىستىڭ ءمان-جايى تولىق انىقتالاتىن بولادى. اۋدان پروكۋراتۋراسى تاراپىنان جازبالاي نۇسقاۋ بەرىلدى. زارداپ شەككەندەر جوق. وزگە اقپارات قر قىلمىستىق ءىس جۇرگىزۋ كودەكسىنىڭ 201-بابىنا سايكەس تاراتۋعا جاتپايدى»، دەپ حابارلادى ۆەدومستۆودان.
