باتىس قازاقستان وبلىسىندا قىزامىق دەرتىنەن ءتورت جاسار قىز بالا كوز جۇمدى، دەپ حابارلايدى "ادىرنا" ءتىلشىسى.
وبلىستىق دەنساۋلىق ساقتاۋ باسقارماسىنىڭ ماماندارى قىزدى امان الىپ قالۋ مۇمكىن بولماعانىن ايتادى.
"5 جەلتوقسان كۇنى كەشكى ساعات 10-دا تۇسەدى دە، بەس ساعاتتىڭ ىشىندە جاعدايى كۇرت ناشارلاپ، جۇرەگى توقتادى. قايتىس بولعاننان كەيىنگى دياگنوزى – سكارلاتينا. وكپەنىڭ قابىنۋى، ميوكارديت، جۇرەكتىڭ ميوكارد ءىسىنۋى. قابىنعاندا سونداي دياگنوز قويىلدى. ەندى گيستولوگتار گيستولوگياعا كەرەك اناليزدەردى، تولىق دياگنوز الدى. ونىڭ ناتيجەسىنە ءبىر جۇماداي ۋاقىت كەرەك", – دەدى بقو دەنساۋلىق ساقتاۋ باسقارماسىنىڭ باسشىسى ەرلان توقسانوۆ.
ونىمەن ءبىر بالاباقشاعا بارىپ جۇرگەن تاعى ءتورت بالا قازىر اۋرۋحانادا. ونىڭ بىرەۋى جانساقتاۋ بولىمىندە ەم الىپ جاتىر.
اتالعان اۋرۋ كوبىنەسە 2-10 جاس ارالىعىنداعى بالالاردا كەزدەسەدى ەكەن. تاسقالا اۋىلىنداعى بالالار اراسىندا ءتىپتى ورشىگەن كورىنەدى.
وبلىستا جىل باسىنان بەرى بۇل اۋرۋمەن 780 ادام اۋىرسا، 347-ءسى اۋرۋحانادا ەمدەلگەن. ولاردىڭ تەك 21-ءى ەرەسەكتەر.
