Aqsai qalasynda köp qabatty tūrǧyn üi aulasynda er adamdar arasynda qaqtyǧys bolyp, tapanşadan oq atyldy. Būl turaly oblystyq polisiia departamentı mälımdedı, dep habarlaidy “Adyrna” ūlttyq portaly.
Atalmyş oqiǧa tüsırılgen beinejazba äleumettık jelıde keŋınen taraldy.
Onda er adamdardyŋ bır-bırımen bailanysyp, bıreuınıŋ soqqy jūmsap, qaşa jönelgenı körınedı. Bärı sonyŋ soŋynan quyp bara jatqan sätte atysqa ūqsas dauys ta estıledı.
BQO polisiia departamentınıŋ baspasöz qyzmetınen mälım etkenındei, oqiǧa 29 säuır künı şamamen saǧat 18.00-de boldy.
«Qabyldanǧan ıs-şaralar nätijesınde janjalǧa qatysuşylardyŋ bärı anyqtalyp, polisiiaǧa jetkızıldı. Atalǧan derek boiynşa QR QK 293-baby 3-bölıgı 2-tarmaqşasyna (gazdy qarudy qoldanyp jasalǧan būzaqylyq) säikes sotqa deiıngı tergeu amaldary bastaldy. Istıŋ män-jaiy tolyq anyqtalatyn bolady. Audan prokuraturasy tarapynan jazbalai nūsqau berıldı. Zardap şekkender joq. Özge aqparat QR Qylmystyq ıs jürgızu kodeksınıŋ 201-babyna säikes taratuǧa jatpaidy», dep habarlady vedomstvodan.
Ūqsas jaŋalyqtar
