وقىرماندار كاسپي بانك قوسىمشاسىن قولدانا وتىرىپ، 18 باسىلىمعا تەز جازىلا الادى. بۇل تۋرالى اقپارات جانە قوعامدىق دامۋ ءمينيسترى دارحان قىدىرالى ايتتى، دەپ حابارلايدى «ادىرنا» ءتىلشىسى.
«بۇگىننەن باستاپ وقىرمانداردىڭ باسپاسوزگە جازىلۋ پروتسەسى جەڭىلدەيدى. جىل باسىندا كاسپي بانككە ارىپتەستىك ۇسىنىسپەن شىعىپ، بانكتىڭ قوسىمشاسى ارقىلى باسىلىمعا جازىلۋدى جەدەلدەتۋ جايىن قوزعاعان ەدىك. ناتيجەسىندە ەندى باسپاسوزگە كاسپي بانك قوسىمشاسىن قولدانا وتىرىپ، 18 باسىلىمعا تەز جازىلۋعا بولادى. ولاردىڭ قاتارىندا “ەگەمەن قازاقستان”، “كازاحستانسكايا پراۆدا”، “انا ءتىلى”، “ايقىن”، “ليتەر”، “مىسل، “تۇركىستان” سەكىلدى گازەت-جۋرنالدار بار.
مۇنداي قادامدار جازىلۋشىلارعا وڭتايلى جولدار ۇسىنىپ، ولاردىڭ قاتارىن ارتىرادى دەگەن سەنىمدەمىز»،—دەدى ول.
