ريددەر قالاسى اكىمىنىڭ قىزمەتىن دارحان قوسانتاەۆ اتقارادى دەپ حابارلايدى “ادىرنا” ۇلتتىق پورتالى.
قالانى 26 ساۋىردەن بەرى دارحان قوسانتاەۆ باسقارىپ وتىر. ول بۇعان دەيىن 2022 جىلدىڭ 14 ساۋىرىنەن بەرى ريددەر قالاسى اكىمىنىڭ ورىنباسارى قىزمەتىن اتقاردى.
ايتا كەتەيىك، دارحان قوسانتاەۆ 1991 جىلى 4 قازاندا شىعىس قازاقستان وبلىسىنىڭ قاراتوعاي اۋىلىندا دۇنيەگە كەلگەن. مانسابىن ۋست-تالوۆكا كەنتى اكىمى اپپاراتىنىڭ باس مامانى قىزمەتىنەن باستاعان.
2020 جىلدان باستاپ ريددەر اكىمدىگىندە جۇمىس ىستەيدى.
2022 جىلى اكىمنىڭ ورىنباسارى بولىپ تاعايىندالدى.
ەسكە سالايىق، بۇعان دەيىن ريددەر اكىمى دميتري گوركوۆويدىڭ قايتىس بولعانىن جازعان ەدىك.
